POP 5

Lajmet më të lexuara të 5 minutave të fundit

Kronikë

Drejtori Ilir Proda pret në takim Ambasadorin e Holandës: Policia jonë e shtetit dhe ajo holandeze skuadra të përbashkëta hetimore kundër krimit

Drejtori i Përgjithshëm Ilir Proda dhe Ambasadori Reinout Vos diskutuan forcimin e bashkëpunimit përmes skuadrave të përbashkëta hetimore dhe operacionale kundër krimit të organizuar dhe migracionit të paligjshëm. Palët vlerësuan rolin e oficerëve të kontaktit dhe theksuan zgjerimin e bashkëpunimit në fusha me interes të përbashkët.

Ilir Proda dhe Reinout Vos

Drejtori i Përgjithshëm i Policisë së Shtetit, Ilir Proda, priti në një takim kortezie Ambasadorin e Mbretërisë së Vendeve të Ulëta në Shqipëri dhe dy oficerët e kontaktit pranë Policisë së Shtetit.

Gjatë takimit, Drejtori i Përgjithshëm i Policisë së Shtetit, Proda dhe Ambasadori Reinout Vos vlerësuan bashkëpunimin policor të deritanishëm të Policisë së Shtetit me dy agjencitë ligjzbatuese kryesore: Policinë Kombëtare Holandeze dhe Xhandarmërinë Mbretërore.

Drejtor Proda i konfirmoi Ambasadorit Vos vendosmërinë e tij për të forcuar këtë bashkëpunim, duke krijuar skuadra të përbashkëta hetimore dhe operacionale për të luftuar krimin e organizuar.

Ambasadori Reinout Vos siguroi Drejtorin e Përgjithshëm për vijimin e mbështetjes dhe thellimin e bashkëpunimit, si dhe vlerësoi dhe dakordësoi qasjen e Drejtorit Proda për ta konkretizuar këtë bashkëpunim jo vetëm në shkëmbime informacioni, por edhe në veprime hetimore e operacionale në luftën kundër krimit të organizuar dhe migracionit të paligjshëm.

Gjatë takimit, u vlerësua dhe roli i dy oficerëve të kontaktit të Policisë holandeze pranë Policisë së Shtetit, si ura lidhëse dhe garanci që ky bashkëpunim të zgjerohet edhe në fusha të tjera që kanë interes të përbashkët.

1733412188_vosproda.jpg

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10