Anëtarësia e Partisë Demokratike në degën e Lushnjës i është drejtuar sot kutive të votimit për të zgjedhur kryetarin e ri të degës.

Procesi i votimit ka nisur në orën 08:00 të mëngjesit dhe do të vijojë deri në orën 18:00. Në garë për drejtimin e degës së PD-së në Lushnjë janë dy kandidatë, Gentian Çela dhe Julian Meço.

Procesi po zhvillohet normalisht, në një atmosferë të qetë dhe bashkëpunuese mes anëtarëve të partisë.

Për zhvillimin e zgjedhjeve në degën e Lushnjës ka folur edhe deputeti i PD-së, Sajmir Korreshi, i cili ka ndjekur nga afër procesin e votimit. Rezultati pritet të shpallet pas përfundimit të numërimit të votave në mbrëmje.