POP 5

Lajmet më të lexuara të 5 minutave të fundit

Kronikë

Drejtuesit e institucioneve të drejtësisë në vend, vizitë pune në Gjykatën Kushtetuese Gjermane dhe në Gjykatën Evropiane për të Drejtat e Njeriut në Strasburg

Një delegacion i nivelit të lartë të drejtuesve të institucioneve kryesore të sistemit të drejtësisë, prej disa ditësh po kryen një vizitë pranë Gjykatës Kushtetuese Federale Gjermane si edhe në Gjykatën Evropiane për të Drejtat e Njeriut në Strasburg, aktivitet i organizuar nga Fondacioni Konrad Adenauer

Drejtuesit e institucioneve të drejtësisë në vend, vizitë pune në Gjykatën Kushtetuese Gjermane dhe në Gjykatën Evropiane për të Drejtat e Njeriut në Strasburg

Drejtuesit e institucioneve kryesore të drejtësisë në vend

Një delegacion i nivelit të lartë të drejtuesve të institucioneve kryesore të sistemit të drejtësisë, prej disa ditësh po kryen një vizitë pranë Gjykatës Kushtetuese Federale Gjermane si edhe në Gjykatën Evropiane për të Drejtat e Njeriut në Strasburg, aktivitet i organizuar nga Fondacioni Konrad Adenauer. Në kuadër të kësaj vizite, temat kryesore të bashkëbisedimit kishin në vëmendje "Pavarësinë e gjyqësorit" si edhe "Masat për uljen e numrit të çështjeve në gjykata".

Për të dyja këto tema, Zëvendëskryetari i Gjykatës së Lartë, Sokol Sadushi shprehu mendimet e tij dhe qëndrimet konkrete të gjyqtarëve të Gjykatës së Lartë, për të garantuar aksesin në drejtësi, pavarësisht kushteve me të cilat përballet sot sistemi i drejtësisë në Shqipëri. Gjykata e Lartë mbetet e angazhuar për të bërë përpjekjet maksimale për gjykimin brenda një afati sa më të shpejtë të çështjeve të prapambetura, në kuadër të të cilit ka hartuar dhe një plan veprimi me masa konkrete, në bashkëpunim me Këshillin e Lartë Gjyqësor dhe projektin e financuar nga INL për këtë qëllim.

Në këtë bashkëbisedim mjaft të frytshëm midis delegacioneve, morën pjesë edhe gjyqtarët e Gjykatës Evropiane për të Drejtat e Njeriut, Georges Ravarani, kryetar seksioni, gjyqtar i zgjedhur për Luksemburgun, Georgios Serghides, zëvendëskryetar seksioni, gjyqtar i zgjedhur për Qipron, Dmitry Dedov, gjyqtar i zgjedhur për Federatën Ruse, María Elósegui, gjyqtare e zgjedhur për Spanjën, Darian Pavli, gjyqtar i zgjedhur për Shqipërinë, Anja Seibert-Fohr, gjyqtare e zgjedhur për Gjermaninë, Peeter Roosma, gjyqtar i zgjedhur për Estoninë, Andreas Zünd, gjyqtar i zgjedhur për Zvicrën dhe Frédéric Krenc, gjyqtar i zgjedhur për Belgjikën.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46