“Jo numra, por cilësi”. Ishte kjo kryefjala e Drejtoreshës Ekzekutive të Grupit BALFIN, Edlira Muka, gjatë një bashkëbisedimi që ajo pati me studentë, pedagogë dhe drejtues në Tirana Business University gjatë ditës së djeshme.
Drejtuesja e një prej korporatave më të mëdha në rajonin e Ballkanit, u shpreh se Grupi BALFIN e ka shtuar prezencën e tij në TBU, në mënyrë që të nxisë më tepër kërkimin shkencor, si dhe të mundësojë praktika pune për studentët në kompanitë e shumta të portofolit të gjerë të Grupit.
“Interesi jonë, është që të nxjerrim nga ky Universitet, ekselentë, pra të rrisim cilësinë dhe standardin, jo vetëm në mësimdhënie, por edhe në nivelin dhe formimin me të cilët studentët e mbyllin ciklin e tyre universitar dhe bëhen të gatshëm për tu punësuar si në kompanitë e Grupit BALFIN, ashtu edhe në mjaft biznese të tjera partnere me të cilat TBU ka marrëveshje”.
E pyetur nga studentët lidhur me përvojën që iu duhet atyre për të aksesuar tregun e punës, znj. Muka ra dakord, se për disa profile pune, nuk është e nevojshme domosdoshmërisht, një përvojë shumë e madhe pune dhe u pajtua me studentët, se disa kritere duhen rishikuar dhe përmirësuar në këtë drejtim, sidomos në njoftimet që bëjnë kompanitë në rrjetet sociale, kur shpallin vende të lira pune. “Do të diskutojmë me kompanitë tona dhe padyshim që do ta heqim kriterin e eksperiencës, si faktor pengues, në ato pozicione dhe profile pune, ku nuk është i domosdoshëm” – u shpreh ajo.
Po lidhur me temën e punësimit, që pati një interes të veçantë nga studentët, këta të fundit e pyetën drejtuesen e BALFIN Group, se si do të matet se sa studentë do të punësohen në fund të diplomimit të tyre. “Kjo është shumë e thjeshtë për ne. Duke qene se nevojat tona për studentë të shkëlqyer dhe me njohuri të praktike dhe të gatshëm për tregun e punës janë të mëdha, plani jonë parashikon që përpara por edhe pas diplomimit tuaj, 100% e studentëve të këtij Universiteti të jenë të punësuar. Kjo është e qartë dhe për vetë drejtuesit e Universitetit dhe kane mbështetjen tonë të plotë për këtë”.
E pyetur nga pedagogët, se si mund ta bëjnë më konkrete me shembuj praktikë punë e tyre, znj. Muka u shpreh: “Të gjitha mjediset e kompanive të Grupit BALFIN, janë laboratore të hapura për ju dhe studentët tuaj, filloni ta shihni kështu. Shembujt praktikë ju mund t’i prekni direkt aty ku biznesi bëhet dhe mos të mjaftoheni vetëm me ato që thuhet në teori”.
Muka i inkurajoi gjithashtu studentet vajza, që të mos kenë frikë nga paragjykimet e të qenit vajza apo gra në një botë ku biznesi perceptohet më tepër si një çështje e meshkujve. “Unë vet nuk e kam ndeshur në praktikë këtë problem. Përkundrazi, bashkëpunimi me kolegët meshkuj ka qenë shumë dinamik dhe mbështetës, ndërkohë që gratë dhe vajzat në biznes ngjallin një besim dhe seriozitet, që në disa raste i bën ato që të jenë në kushtet e duhura për të konkurruar me mjete të njëjta”.
Ajo gjithashtu i garantoi studentët që të paktën në kompanitë e Grupit BALFIN, çdo gjë do të varet nga dëshira dhe aftësia e tyre dhe jo nga faktorë të tjerë që ndonjëherë mund ta bëjnë më të vështirë aksesin në tregun e punës dhe dha shembullin e saj personal, se si 18 vjet më parë e nisi punën në këtë Grup përmes një interviste pas njoftimit që kishte parë në një gazetë, për t’u ngjitur më pas gradualisht shkallë-shkallë në karrierë, deri kur mori detyrën më të lartë që mban edhe sot.
Grupi BALFIN i është bashkuar Tirana Business University si aksioner në vitin 2014. Sivjet BALFIN është bërë aksioneri maxhoritar i këtij Universiteti, duke sjellë menjëherë një frymë të re, sa i takon mundësive konkrete për aftësim profesional dhe punësim. Ekspertët e shumtë Grupit janë në shërbim te studentëve, si për të ndarë përvojat e tyre, ashtu edhe për t’iu ofruar atyre bazat e nevojshme teorike.
Investimet e menjëhershme në stafe pedagogjike dhe infrastrukturë dhe mjete studimore, po e shndërrojnë me shpejtësi TBU, duke e çuar atë me ritme të larta drejt objektivit të shpallur dhe nga poresidneti i Grupit BALFIN, Samir Mane, për ta bërë Universitetin më të mirë në Shqipëri.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
