Ekspertë të Nivelit të Lartë të Reformës në Drejtësi janë mbledhur dje për të shqyrtuar 2 projektligje që vijnë në vijim të zbatimit të reformës. Projektligji për prokurorinë dhe ai për Njësinë Speciale Anti Korrupsion, janë hedhur në diskutim duke qenë të hapur për mendime alternative. Arben Rakipi, një prej ekspertëve më të njohur të hetimit, tha se në kuadër të Byrosë Kombëtare të Hetimit, të gjithë hetuesit që do të bëhen pjesë do të jenë objekt i një verifikimi të imtësishëm, në të cilin do të përfshihen dhe familjarët e tyre.