Një rrjet kriminal prej 8 personash, mes tyre edhe shqiptarë është goditur nga policia italiane gjatë së premtes. Autoritetet Italiane bën të ditur se nga operacioni i së premte u arrestuan 8 persona, shqiptarë, italianë dhe rumunë. Në aksion janë sekuestruar 1 kilogram lëndë narkotike, kokainë dhe hashash, disa armë, para të falsifikuara dhe euro të fituara nga aktiviteti kriminal. Objektiv e këtij aksioni të bluve të Italisë ishin rreth 16 persona të implikuar në këtë grup, ku 8 prej tyre u arrestuan gjatë aksionit të së premtes. Hetimet kishin nisur disa muaj më parë dhe përfunduan këtë të premte.