Drogë dhe prostitucion/ Goditet mafia shqiptare në 5 shtete, 64 të arrestuar, Europol: Do ketë operacione të tjera

Me mbështetjen e Europol-it u zhvillua një mega-operacion në pesë shtete; Belgjikë, Francë, Holandë, Britani dhe Itali, ndërsa në përfundim u arrestuan 64 shqiptarë. Sipas Europol-it mafia shqiptare merrej me kultivim dhe trafik kanabisi dhe lëndëve të tjera narkotike, prostitucion dhe pastrim parash. Në operacionin e zhvilluar në dy ditët e fundit morën pjesë mbi 600 oficerë policie, ndërsa hetimet zgjatën disa muaj. 55 persona u arrestuan në Belgjikë, duke përfshirë drejtuesit, 7 në Holandë dhe 2 të tjerë në Francë në këtë hetim të udhëhequr nga Belgjika në bashkëpunim me Francën, Holandën, Italinë dhe Britaninë e Madhe.

Akuzat për mafien shqiptare
Të arrestuarit kultivonin dhe trafikonin kanabis, trafikonin qenie njerëzore për prostitucion, ndërsa akuzohen edhe për pastrim parash. Bandat vepronin në Belgjikë, Francë, Holandë, Itali dhe Britani të Madhe. Të dyshuarit besohet se kanë menaxhuar shumë plantacione kanabisi të shpërndarë në të gjithë Belgjikën dhe në veri të Francës. Disa të tjerë janë përfshirë gjithashtu në një rast të trafikimit të qenieve njerëzore në Francë. Në ditën e ndërhyrjes, gjashtë ekspertë të Europol-it u vendosën në Belgjikë, Francë dhe Holandë për të lejuar shkëmbimin e informacionit në kohë reale, kontrollet e të dhënave të si dhe sigurimin e mbështetjes teknike. Gjatë operacioneve janë bërë mjaft sekuestrime.

Europol: Do të ketë tjera goditje për krimin shqiptar
Policia evropiane (EUROPOL)  thekson në njoftim se goditja e bandave shqiptare në Europë do të vijojë me operacione të tjera në të ardhmen e afërt. "Krimi i organizuar shqiptar vazhdon të mbetet një shqetësim për vendet në Evropë. Në mars, ekspertët mbi krimin shqiptar u mblodhën në selinë qendrore të Europol në Hagë për të diskutuar mënyrat për t'i trajtuar më mirë këto klane të dhunshme të mafias. Operacionet e mëtejshme të këtij lloji pritet të ndodhin në të ardhmen e afërt" thuhet në njoftimin e Europol-it.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 14/04/2019 18:47

    Drejtuar komentuesit " Think Justice". Ke disa te verteta ne ato qe thua por ajo qe duhet pranuar duhet pranuar. Mafia shqiptare ka prezence te forte dhe ka shume shqiptare neper burgje. Por eshte e vertete qe shqiptaret targetohen lehtesisht nga media nderkombetare. Anglezet qe jane populli me i degjeneruar ne europe e be shpeshhere kete gje dhe nuk gjen asnje problem sepse shteti i bananeve te Shqiperise ben asgje per mbrojtjen e imazhit te shqiptareve. Pra e ka rrugen e hapur. Sa per perendimoret , e permendin kur kapen qytetare te tyre e biles edhe zezakeve dhe arabeve i thojne france dhe anglez qe te mos quhen " rraciste"

    Përgjigju
  • Mafia: 06/04/2019 15:53

    Asgje e re kjo politike ndaj shqiptareve eshte e vjeter dhe e ka bazen ne beograd dhe vendet sllave.Kudo neper evrope shqiptaret jane nje pakice ne cdo drejtim dhe smund te luajne asnje ekuiliber mafioz ose politik.Mafiozet e vertete jane ne seline e komunitetit evropian me rroga 10.000 euro dhe çeshtje korrupsioni te tmershme.Evropa eshte ne ngordhje e siper dhe kerkon nje bumerang qe ne rastin tone ka lidhje me shqiptaret.Por shqiptaret tashme mund ti kundervihen evropes se bashku ne nje bllok kosove-shqiperi-trevat shqiptare ne maqedoni-presheve-mal te zi e kudo qe ka shqiptare se kjo eshte e vetmja gjuhe qe kuptojne Evropianet te cilet e kane ndare vendin tone ne shume pjese.

    Përgjigju
  • agron: 06/04/2019 09:50

    Shqiptaret mendojne te bejne para per 1 min edhe te jene miljonera, nuk e kuptojne qe bota jashte bene sikur te le pastaj te jep nje edhe te keput ne qafe, pastaj mere ne qafe femit ose me mire familjen,edhe themi ne na ka faje politika, jemi vete rac e keqe qe skemi nerve pune shiko ne shqiperi, te gjithe thone skane por veshja edhe kafet plot edhe lluks

    Përgjigju
  • Justice: 05/04/2019 22:05

    Na turperuat rracen j q r perdite nga 20-30 shqiptare ne burg edhe su mbarokan.

    Përgjigju
    • Think Justice: 06/04/2019 07:56

      S'është punë turpi këtu, duhet të kuptoni se tek të arrestuarit ka edhe belg, italianë dhe britanikë, por preferenca është që publikisht të lajmërohet se bëhet fjalë për "shqiptarë" dhe "mafian shqiptare". Në fund të fundit duhet të kuptoni se drogën popujt e tyre e konsumojnë, sipas statistikave me ton jo me kile, ndaj mos u turpëroni se media kurrë nuk flet pozitivisht për shqiptarët. Dhe kur kapin dhe arrestojnë të vetët, nuk thonë që i përkasin kombit të tyre, asnjëherë thjesht thonë "u arrestuan disa persona" kaq, por me të qenë shqiptarë kokat e lajmeve janë "U kapën shqiptarët". Gjithçka është politike dhe media jashtë bashkëpunon me pasion në këtë drejtim....

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

 Ndërtuan 7 vila me dokumente të falsifikuara, Prokuroria e Tiranës merr të pandehur 10 persona! Sekuestrohen ndërtimet

Ndërtuan 7 vila me dokumente të falsifikuara, Prokuroria e Tiranës merr të pandehur 10 persona! Sekuestrohen ndërtimet