POP 5

Lajmet më të lexuara të 5 minutave të fundit

Arkiva

Dronët iranianë mbi luftanijen
amerikane acarojnë Pentagonin

Dronët e parë iranianë që përgjuan anijet amerikane u pikasën në vitin 2012. Ndërsa në muajt e fundit, episode të tilla kanë qenë të përditshme dhe gjasat që të ndalin janë të vakta
Avionë iranianë pa pilotë, të llojit “UAV”, thuhet se janë bërë të zakonshëm në hapësirën ajrore mbi luftanijen “USS George H.W. Bush”, e vendosur në Gjirin Persik për të mbështetur trupat e koalicionit që luftojnë ISIS.

Sipas mediave ndërkombëtare, këto misione mbikëqyrëse të qeverisë iraniane duket se i kanë ngritur nervat Pentagonit.

Dronët e parë iranianë që përgjuan anijet amerikane u pikasën në vitin 2012. Ndërsa në muajt e fundit, episode të tilla kanë qenë të përditshme dhe gjasat që të ndalin janë të vakta.

Më herët në maj, kapiteni Will Pennington, komandant i luftanijes “USS George W.H. Bush”, tha për një gazetë ushtarake se dronët iranianë kanë qëllime mbikëqyrjeje.

Por ai tha gjithashtu se, luftanija ka në arsenalin e saj mënyra të ndryshme për t’u mbrojtur prej tyre. Mes tyre përfshihen sisteme mbrojtëse të instaluara në mjetin detar, helikopterë dhe mjete lundruese shoqëruese.

Analistët e çështjeve ushtarake thonë se, luftanija amerikane ka pak gjasa që t’i qëllojë dronët, ndërsa Teherani po ashtu ka pak shanse që t’i përdorë ata kundër anijes.

Për më tepër, edhe sikur avionët t’i afrohen më shumë anijes ushtarake, ka pak gjasa që ata të sigurojnë ndonjë informacion sekret, deklarojnë ekspertët.

(d.b/Shqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06