Dronët zbulojnë mbi 2 mijë bimë kanabisi të kultivuara në disa fshatra në Vaun e Dejës! Autorët nuk dihen ende  

Rreth 2653 bimë kanabisi janë gjetur të kultivuara bë disa fshatra të thella në Vaun e Dejës, ndërsa kultivuesit e tyre nuk dihen ende.

Në kuadër të fazës së tetë të megaoperacionit policor antikanabis të koduar “Alpe të pastra”, policia zbiuloi 2653 bimë kanabisi.

Kjo fazë u zhvillua gjatë 2 ditëve, me angazhimin e 60 efektivëve të Policisë, të cilët përdorën 5 dronë për kontrollin e terreneve malore të Vaut të Dejës dhe të Pukës.

Gjenden dhe asgjësohen në total 2653 bimë kanabis.

-Në ditën e parë të kësaj faze, gjatë kontrollit të ushtruar në fshatrat Shllak dhe Temal, Vau i Dejës, shërbimet e Policisë gjetën 2385 bimë kanabis.

-Në ditën e dytë të kësaj faze, në vendin e quajtur “Kodra e Jakajve”, Vau i Dejës, shërbimet e Komisariatit të Policisë Vau i Dejës gjetën të kultivuara 95 bimë kanabis.

Po në këtë ditë, në fshatin Kuzhnen i Madh, Pukë, u gjetën të kultivuara 173 bimë kanabis.

Pas kryerjes së veprimeve procedurale, bimët narkotike u asgjësuan me anë të djegies.

Gjatë fazave të mëparshme të këtij megaoperacioni, janë asgjësuar në total 40 627 fidanë dhe bimë kanabis, janë vënë në pranga 3 autorë të dyshuar dhe janë shpallur në kërkim 9 të tjerë. 

Vijon puna për kapjen e shtetasve të shpallur në kërkim dhe për identifikimin e autorëve të rasteve të tjera të kultivimit të bimëve narkotike.

Megaoperacioni policor antikanabis “Alpe të pastra”, vijon.

Materialet procedurale i kaluan Prokurorisë Shkodër, për veprime të mëtejshme hetimore.

M.T/Shqiptarja.com

TAG:
• Shkoder
• vau i dejes
• kanabis