Moti i keq që preku jugun e vendit, javën e kaluar la për tre ditë pa energji elektrike disa fshatra në Gjirokastër, kryesisht ato të minoritetit grek në Bashkinë e Dropullit.
Shtylla e tensionit të lartë e linjës 35Kv "Gjirokastra 2-Grapsh" u dëmtua ndërsa pa energji mbetën banorët e fshatrave Zagori, Grapsh, Dropull i Poshtëm dhe Dropulli i Sipërm.
"Keq jemi, as ujë as drita! Pa drita s'bën dot asgjë, që të vijë lart uji tek kuzhina s'ka korrent se nuk punon pompa. Kemi që të premten pa energji.
Ne të moshuar jemi, këtu në fshat 80 për qind janë të moshuar dy nga dy ose një person vetëm në shtëpi. Kur s'ka drita, frigoriferi shkrin, ushqimet prishen.
Për tu ngrohur jo e jo, vetëm ata që kanë sobë me dru, të tjerët që s'kanë veç nëpër batanije dhe jorganë. Jemi si në vitet '44, si në dorës së tretë. Defektet ndodhin here pas herë, i njëjti problem por nuk na e vë njeri veshin", shprehen banorët.
Lidhur me këtë shqetësim, OSSH tha për Report Tv se linja 35kV është vënë në punë, por me vështirësi për shkak të terrenit të thyer. Aktualisht është dhënë zgjidhje për furnizimin me energji të zonës së Dropullit.
Vermoshi dhe Lepusha kane dy jave pa drita ne mes te acarit dhe te izoluar nga debora,kurse ju qaheni per tre dite me nje dimer qe duket si pranvere! Kerkojuni atyre kallaqiperave qe na sjellin varrezat e ushtareve dhe qe ju u jepni besnikeri ne shkembim te pensionit e pashaportes greke t'jua rregullojne rrjetin me ndonje investim te vogel.
Përgjigju