Ylli i Pop-it Dua Lipa ka performuar para një turme të jashtëzakonshme në tendën e Xhon Peel, mbrëmjen e 23 qershorit në Glastonbury, në Angli.

Këngëtarja ka tërhequr vëmendjen duke mbledhur ndërkohë turmën më të madhe që është parë deri më sot.

Fansat e saj kanë rrethuar të katra anët e çadrës së Peel John.

Këngëtarja prezantoi këngët e albumit më të ri të publikuar gjatë këtij muaji. Në këtë album janë hitet "Be the one" dhe "Hotter Than Hell", si dhe disa këngë që i ka bërë në bashkëpunim me Chris Martin dhe Miguel.

Dua Lipa e ka filluar prezantimin e albumit të saj me “Hotter Than Hell', duke perfomuar para emrit të saj të ndriçuar me germa të mëdha.

Ajo gjithashtu ka interpretuar këngë të bëra në bashkëpunimet e saj me Sean Paul dhe Martin Garrix, të titulluar “Pa Gënjeshtra” dhe “Veten e lë zgjuar”

Pas koncertit Dua Lipa ka shkruar, në Twitter: “Ky ishte momenti më i çmendur i jetës sime. Glastonbury! Unë do ta kujtoj këtë ditë deri sa të vdes.”

Ylli i popit është kurorëzuar pak kohë më parë me titullin Artist i ri më mirë për 2017-n nga çmimet Awards të muzikës.

Kur Radio BBC prezantoi këngëtaren dhe çmimin e saj, Dua Lipa ka falënderuar me gjithë zemër të gjithë fansat që e kanë votuar.

Personat më të rëndësishëm që Dua Lipa ka falënderuar për sukseset e saj janë menaxheri, agjenti dhe familja e miqtë e saj. Për Dua Lipën të gjithë këta “janë bota vetë”.

Dua Lipa këngëtarja me origjinë shqiptare, nuk e harron kurrë origjinën e saj. Një vit më parë ajo erdhi për një koncert në Tiranë, duke ndezur sheshin Nënë Tereza dhe mijëra fansa iu bashkuan këtij koncerti të shumëpritur.

dua lipa

dua lipa

Redaksia Online
Al.N/Shqiptarja.com