Këngëtarja shqiptare me famë botërore, Dua Lipa, do t’i bashkohet kastit të filmit të ri “Peaked”, xhirimet e të cilit pritet të fillojnë muajin tjetër.

Filmi, i prodhuar nga A24, do të drejtohet nga Molly Gordon, e cila ka bashkë-shkruar edhe skenarin me Ali Levitan.

Ngjarjet përqendrohen te dy gra që, gjatë viteve të shkollës, kishin fituar një reputacion të keq midis shoqeve të klasës. Një dekadë pas diplomimit, ato përpiqen të rikthejnë periudhën e tyre të popullaritetit gjatë një ribashkimi.

Në kast përfshihen edhe Emma Mackie, Connor Story, Gabby Windey, Laura Dern, Simone Ashley, Levon Hawke, Amy Sedaris, Alex Konsani dhe Emile Wakeim.

Dua Lipa ka një karrierë të shquar në muzikë, me tre çmime Grammy dhe shtatë Brit Awards. Ajo u bë e njohur ndërkombëtarisht në vitin 2017 me hitin “New Rules” dhe më pas publikoi albumet “Future Nostalgia” (2020) dhe “Radical Optimism” (2024). Përveç muzikës, ajo ka debutuar edhe në kinema, duke marrë pjesë në filmin “Barbie” dhe më pas në “Argylle” pranë Henry Cavill.