Vdekja e katër pacientëve në ambjentet e spitalit Amerikan, ka shtyrë disa prej familjarëve të të ndjerëve që të flasin lidhur me mundësinë e dëmshpërblimit financiar nga ana e spitalit. Disa prej të afërmve të pacienteve Hani Malit dhe Sanie Sulajt, pretendojnë për një dëmshpërblim financiar për jetët e humbura. Sipas tyre, të afërmet e tyre kanë qënë në dorëzim nga ana e Spitalit Amerikan dhe për pasojë ishin duke marrë shërbimin që u takonte me ligj.

Por për shkak të kushteve jo të mira të sigurisë dhe tekenikës së shuarjes së zjarreve, këto dy shtetase kanë ndëruar jetë. Sipas familjarëve vdekja e tyre nuk ka ardhur për shkak të plagëve të marra por për shkak të asfiksisë, pasi ndihma e spitalit është dhënë me vonesë, dhe për pasojë Hani Mali dhe Sanie Sulaj janë mbytur për shkak të tymit.

Disa prej familjarëve thonë se pas gjithë asaj që ndodhi, dy gratë kanë qëndruar të shtrira në tokë pasi nuk mund të largoheshin për shkak se ishin të lidhura me makinerinë e hemodializës.Ndërhyrja e stafit të sigurisë së spitalit dhe mjekët, ka qënë e vonuar dhe për pasojë, sipas tyre ka ardhur dhe vdekja e grave.

Nuk dihet me saktësi nëse në ditët në vijim familjarët e viktimave ti drejtohen gjykatës së Tiranës me padi për dëmshpërblim financiar, por ka shumë gjasa që një veprim i tillë të ndodhë në vazhdim.I gjithë pavjoni i hemodializës është përfshirë nga flakët e zjarit pasi njëri nga pacientët e këtij spitali Lefter Canaj, ka lyer me 1.5 litra benzinë pacientin tjetër Dashamir Saraçi, duke i vënë më pas zjarrin.

E gjithë skena është rregjistruar nga kamerat e sigurisë, ndërkohë që shumë pranë vendit të ngjarjes ka qënë dhe një infermier i spitalit Amerikan. Autori i krimit Lefter Cenaj kishte future në çantën e tij shishen e benzinës, ndërkohë që akush nuk e kishte kontrolluar tek dera hyrëse e spitalit Amerikan. Veprimi i tij solli dhe shkatërimin e plotë të pavjonit të hemodializës dhe për pasojë nxjerjen jashtë funksionit të makinetave që shërbejnë për të kryer shërbimin e hemodializës.



Redaksia Shqiptarja.com