POP 5

Lajmet më të lexuara të 5 minutave të fundit

Sport

Duel kyç kundër Egnatias, Mehmeti: Nesër kemi dy mungesa, ja ku 'çalojmë'

Dinamo dhe Egnatia luajnë nesër në 16:00 në "Elbasan Arena". Sfida e raundit të 35-të në Superligë është e rëndësishme për "Nëndetësen Blu" që kërkon një vend në "Final 4".

Duel kyç kundër Egnatias, Mehmeti: Nesër kemi dy mungesa, ja ku 'çalojmë'

Dritan Mehmeti, trajneri i Dinamos

Dinamo dhe Egnatia luajnë nesër në 16:00 në "Elbasan Arena". Sfida e raundit të 35-të në Superligë është e rëndësishme për "Nëndetësen Blu" që kërkon një vend në "Final 4".

Përpara ndeshjes për mediet foli trajneri i Dinamos. Dritan Mehmeti konfirmon dy mungesat teksa vë theksin te qetësia para portës.

"Dihen vlerat e Egnatias, është me meritë aty ku është, kemi vlerësimin maksimal, është një ndeshje mjaft e vështirë për të dyja. Ata kanë objektivin që ta mbyllin të parët. Jemi stërvitur mirë këto dy ditë.

Mungesat - Tahiri ka një problem me kaviljen dhe nuk do të jetë i gatshëm, edhe Smaçi nuk do të jetë nesër, por shpresoj të jetë me Teutën javën tjetër. Mendoj që do të jetë një ndeshje e luftuar, por unë besoj tek skuadra se pavarësisht rezultateve që kemi marrë javët e fundit, e kemi forcën, por duhet të jemi më të kujdesshëm për mundësitë që kemi pasi po nuk shënove nuk mund të arrish të shkosh drejt fitores.

Mungesa e golave - Mendoj që përderisa një trajner arrin të shkelë zonën kundërshtare dhe kemi pasur 6 raste të mira për të realizuar është e gjitha tek qetësia dhe mënyra se si futbollistët realizojnë golin.

Presioni është gjatë gjithë kohës, është vetë kampionati i tillë pasi të gjitha skuadrat duan pikët dhe të arrijnë objektivin. Ne kemi dominuar skuadra si Vllaznia dhe Egnatia, por s'kemi marrë pikët, djemtë e kanë bërë mirë detyrën, por thjesht të jenë të kujdesshëm për rastet që kanë.

Lodhja nuk është ndjerë tek skuadra e Dinamos, nuk është kjo arsyeja që ne nuk po fitojmë. Unë ju kam dhënë minuta të gjithëve, nuk është problemi tek freskia, por çedon tek momenti i fundit për ta çuar topin në rrjetë", tha Mehmeti.

Me 60 pikë Egnatia mban vendin e parë, ndërsa Dinamo me 47 pikë atë të katërt, teksa ndjen presionin e katër skuadrave nga pas.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21