Vllaznia dhe Tirana luajnë nesër (e shtunë) në orën 17:00 në "Loro Boriçi", sfidë kjo e vlefshme për raundin e 26-të në Superligë. Të dyja skuadrat këtë duel e kanë më shumë se veç rezultatin, teksa për rivalitetin ndër vite kjo është cilësuar si "Klasikja e Shqipërisë".
Përpara ndeshjes për mediet foli, Erbim Fagu, trajneri i Tiranës. Ai tha se kërkon tri pikë në Shkodër, teksa Najdovski është në dyshim dhe Meta mungesë e sigurt.
"Është ndeshje shumë e rëndësishme për kampionatin shqiptar. Ne vijmë nga një barazim me Laçin, por për ne është shumë e rëndësishme ndeshja e radhës, pavarësisht kundërshtarit. Ne e kemi përgatitur skuadrën me detyrat si çdo ndeshje tjetër", tha Fagu.
Më pas trajneri 36-vjeçar foli edhe për mungesat, duke konfirmuar se Meta do mungojë gjatë dhe Najdovski ende nuk është në gjendje për të luajtur.
"Nga ndeshja me Laçin kemi dy rikthime siç është Përgjoni dhe Deliu. Kemi pasur probleme me Najdovskin dhe Metën. Do të shohim si do të jetë vazhdimësia e Najdovskit më tepër, sepse Meta dihet do mungojë pak më gjatë. Por gjithsesi ne kemi një organikë që do të na bëjë punë në vazhdimësi. Nuk mendoj se ka avantazhe ose disavantazhe", tregoi ai.
Më pas Fagu foli edhe për rivalët në Superligë, duke thënë se nuk ka ende një skuadër që dominon rivalët.
"Nuk është se ka një skuadër që dominon. Çdo skuadër futet në fushë për të fituar ndeshjen. Nuk mendoj se ka avantazhe ose disavantazhe në këtë takim. Festë në Shkodër? Ata kanë idetë e tyre. Ne nuk është se na intereson kjo gjë, e dimë se çfarë kërkojmë dhe mezi po presim që të fillojë ndeshja nesër", shtoi trajneri.
Fagu më pas u ndal te formacioni, duke thënë se nuk do bëjnë ndryshime.
"Nuk mund të them që ka ndryshuar gjithçka, por kemi ndryshuar disa detaje që i përkasin çdo trajneri kur drejton një skuadër. Por ndryshimet do të jenë të vogla sepse e kam thënë që koha është e shkurtër. Meta ka qenë një lojtar kyç për skuadrën. Mendoj dhe lojtarët që kemi në organikë do e zëvendësojnë kështu që nuk është ndonjë problem. Nga sfida me Laçin ndryshojnë vetëm tri pikët që nuk morëm. Nuk është se kam ndonjë peng tjetër", tha Erbim Fagu.
Me 35 pikë pas javës së 25-të, Tirana mban vendin e katërt. Ndërkohë Vllaznia me 43 pikë ndodhet në vendin e dytë.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59
