Duma në Rrashbull: Më jepni
besimin tuaj, nuk do të zhgënjeheni

DURRËS - Zona e Rrashbullit ka qenë ndalesa e radhës e kandidates së Partisë Demokratike për Bashkinë e Durrësit, Grida Duma, ku u njoh nga afër me problemet e banorëve të kësaj zone.
 
“Kemi bindje socialiste. Nuk po bëjnë asnjë lloj ndryshimi dhe papunësia është në rritje. Çmimet janë të larta dhe energjia është në stratosferë”, i tha kandidates një banor.
 
 “Nuk ke për tu zhgënjyer nga besimi që do më japësh”, tha Duma.
 
Zonja Duma garantoi banorët e kësaj zonë se kërkesat e tyre nuk do bien në vesh të shurdhër , ndërsa premtoi se investimet bashkisë nuk do të mungojnë në këtë zonë.

“Puna është e para. Do gjejmë të gjitha mënyrat të rrisim punësimin. Po të zbresim papunësinë kemi arritur të bëjmë misionin e parë”, u shpreh Duma. 

Kandidatja tha se punësimi është prioriteti saj dhe se bashkia do të gjejë të gjitha mënyrat që të zbusë kushtet e vështira të jetesës.

Redaksia Online
(Gre.M/Shqiptarja.com)