POP 5

Lajmet më të lexuara të 5 minutave të fundit

Sociale

Dumre, fermerët heqin dorë nga
kultivimi i duhanit, shkak çmimi

Fermerët e Dumresë po heqin dorë nga kultivimi i Duhanit. Kjo zonë njihet si një nga zonat kryesore për prodhimin e duhanit në vendin tonë, por kohët e fundit prodhimi është përgjysmuar. Shkak për këtë është bërë çmimi me të cilin shesin produktin dhe vonesat në pagesa.  VIDEO
Dumre, fermerët heqin dorë nga<br />kultivimi i duhanit, shkak çmimi
Fermerët e Dumresë po heqin dorë nga kultivimi i duhanit. Shkak për këtë është trajtimi që i bëhet nga grumbulluesit e duhanit. Për shkak të çmimit të lirë dhe vështirësitë e kultivimit,  një pjesë e mirë kanë vendosur të mos mbjellin më dhe arat me duhan janë gjithmonë e më të pakta.  
 
Në shumë pak sipërfaqe, kultivari i kërkuar nga firma grumbulluese nuk duket shumë i mbarë nga fermerët dhe përfaqësuesit e shoqatës së kultivuesve të duhanit në Dumre.
 
Një problem që kultivuesit e Dumresë kanë hasur këtë vit, është vonesa e pagesave për duhanin e vitit të kaluar.

“Kjo është një bimë e mbijetesës për popullin e kësaj zone. Këtu operon e njëjta kompani që është e vetme blerëse e duhanit të kësaj zone dhe duke qenë e vetme nuk ka konkurencë’ thotë një fermer.

Ndërkohë që një tjetër thotë se, “Këtu në Dumre mungon konkurrenca. Ne kërkojmë futjen e konkurencës së lirë, rritjen e çmimit dhe subvencione” tha një tjetër.

Sakaq, një tjetër tha se, “Ka 4-5 muaj që paratë e duhanit nuk janë dhënë’ ndërsa një fermere tha se ‘Do e mbjell se nuk kam me se të jetoj dhe ushqehem’ tha ajo.

Drejtues të shoqatës thonë se kultivimi ka rënë deri në 50% të mbjelljeve. Ata kërkojnë që të liberalizohet tregu i duhanit dhe të ketë subvencion nga shteti që banorët e Dumresë të vazhdojnë të kultivojnë këtë kulturë që ka mbizotëruar në të gjithë territorin e kësaj zone dhe që dalëngadalë po shkon drejt zhdukjes.

Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zjarret në aeroplanët e transportit të mallrave, dyshohet se u organizuan nga Moska

Zjarret në aeroplanët e transportit të mallrave, dyshohet se u organizuan nga Moska

5 Nëntor, 22:12