Durrës, makina përplas këmbësoren
humb jetën në spital 19-vjeçarja

DURRES- Një 19-vjeçare ka humbur jetën pasditen e sotme pasi u përplas nga një automjet. Ngjarja e rëndë ka ndodhur rreth orës 17.20 në segmentin rrugor Unazë Shkozet-Plepa.

Sipas policisë së qarkut Durrës, automjeti i markës Opel me targa AA374GG i drejtuar nga shtetasi Emiljan Kuka, 20 vjeç, banues në lagjen Nr. 17 Durrës, ka aksidentuar këmbësoren Ketjana Pecaj, 19 vjeçe, banues në lagjen Nr. 13 Plazh Durrës, e cila në gjendje të rëndë u përcoll drejt Spitalit të Durrësit, ku megjithë trajtimin mjekësor, rreth orës 18.10 gjeti vdekjen.

Të njëjtat burime konfirmuan se drejtuesi i automjetit është shoqëruar dhe aktualisht ndodhet në ambientet e Komisariatit të Policisë Durrës dhe ndaj tij po kryhen veprime proceduriale.
 
Ndërkohë Grupi Hetimor po vijon kryerjen e veprimeve të para në funksion të zbardhjes së rrethanave dhe shkaqeve të këtij aksidenti.

Redaksia Online
(e.s/shqiptarja.com)