POP 5

Lajmet më të lexuara të 5 minutave të fundit

Politikë

Durrës, hatërmbetja për vendet e
punës,LSI bojkot Këshillit Bashkiak

Pa asnjë justifikim, si asnjë herë më parë 13 këshilltarë të LSI-së në bashkinë e Durrësit kanë bojkotuar mbledhjen e këshillit bashkiak të qytetit bregdetar, ndërsa të djathët kanë bashkuar votat me të majtët.  VIDEO
Pa asnjë justifikim, si asnjë herë më parë 13 këshilltarë të LSI-së në bashkinë e Durrësit kanë bojkotuar mbledhjen e këshillit bashkiak të qytetit bregdetar, ndërsa të djathët kanë bashkuar votat me të majtët.

I gjithë grupi i LSI-së ka bojkotuar mbledhjen në grup, ndërsa përfaqësues i vetëm i Lëvizjes Socialiste për Integrim ka qenë sekretari i Këshillit Armand Traga.

Në mbledhjen e radhës ku u diskutuan 16 pika nga rendi i ditës, 15 prej tyre morën miratimin me votat e këshilltarëve të djathtë, të cilët për herë të parë bashkuan votat me socialistët.

Edhe pse nuk ka pasur asnjë deklaratë zyrtare për mungesën e LSI në mbledhje,burime nga kjo parti bëjnë me dije se mospjesmarrja është qejfmbetje për disa vende pune që nuk i janë dhënë LSI nga PS.

Në mbledhjen e konsideruar si mjaft të rëndësishme, ndër të tjera këshilli Bashkiak miratoi listën e përfituesve të banesave sociale, për 126 apartamente në lagjen numër 17 si dhe sistemimin e tarifave për plazhet private në njësitë vendore në Durrës.

Subjektet në plazhin e Durrësit e në Shkëmbin e Kavajës do të paguajnë 500 lekë për metër katror të zënë, ndërsa në Rrushkull, Gjiri i Lalzit nga 200 lekë metri katror dhe 100 lekë metri katror për plazhet private.

Gjithashtu në mbledhjen e radhës së Këshillit Bashkiak, u akorduan 25. 4 milionë lekë për ndërtimin e urës që lidh fshatrat Jubë e Rrushkull.

Ndërsa 4.9 milionë lekë u akorduan për kryerjen e punimeve emergjente nga rrëshqitjet në Kodër Vilë.

Redaksia Online
(F.T/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46