POP 5

Lajmet më të lexuara të 5 minutave të fundit

Kronikë

Sport

Durrës/ Kërcënoi Armand Dukën që t’ia bënte djalin pjesë të kombëtares, lihet në burg presidenti i KF Iliria: E kam mik, ndodhi nga gjaknxehtësia! Lirohen nga qelia djemtë

Presidenti i klubit të futbollit “Iliria” Nazmi Selmani do të qendrojë në burg bashkë me nipin pasi kërcënoi kreun e FSHF-së Armand Duka. Gjykata e Durrësit liroi personat e tjerë që kanë lidhje me ngjarjen. Selmani kërcënoi Dukën, pasi nuk i mori të birin futbollist në ekipin e Kombëtares.

DURRËS- Presidenti i ekipit të futbollit “Iliria” të Fushë-Krujës, njëherësh pronar i “Nord Park”, Nazmi Selmani do të qendrojë në burg deri në përfundim të hetimeve ndaj tij. Ai kërcënoi dhe i bëri presion Presidentit të FSHF-së Armand Duka, duke i kërkuar me insistim t’i marrë të birin në Kombëtare.

Masa e sigurisë u caktua këtë të mërkurë në Gjykatën e Durrësit, ku Selmani u paraqit në seancë bashkë me djemtë dhe nipin. Gjyqtari Paulin Çera pasi dëgjoi palët vendosi arrest në burg për Nazmiun dhe nipin e tij Petrit Selmani, ndërsa u lanë të lirë dy djemtë e tij Adolfi e Brajani si dhe futbollisti i “Ilirisë”, Redian Loci.

Nazmi Selmani u arrestua në Durrës mbrëmjen e 30 gushtit pas denoncimit të Presidentit të FSHF-së, Armand Duka. Mesazhi kërcënues që presidenti i Klub Iliria i ka dërguar presidentit të FSHF-së Armando Duka, ka qenë: "Pyeti fëmijët e tu, a i kam bërë unë me qajt"? Më pas i ka shkuar pranë banesës bashkë me djemtë e tij futbollistë, Adolfin, Brajanin dhe Santiagon, si edhe me Petrit Selmanin dhe Redian Locin, duke e kërcënuar sërish.

Nazmi Selmani ka deklaruar në polici se Dukën e ka mik dhe e ka kërcënuar në gjaknxehtësi e sipër. Të njëjtin qëndrim ka mbajtur dhe në seancën për masën e sigurisë, që u mbajt me dyer të mbyllura në Gjykatën e Durrësit. Ai ka deklaruar se nuk ka pasur qëllim të keq, thjesht duke u nisur nga koefidenca që ka pasur me Dukën, dhe dëshira prindërore që ka pasur për të birin.

“E kemi mik! Nuk e di pse duhet të ndodhte kjo ngjarje kështu. Pjesa tjetër është bërë në gjaknxehtësi”, ka deklaruar ai.

Ndërkohë, nipi i Nazmi Selamit ka dëshmuar në gjykatë se i ka çuar mesazh Dukës. 

“Jam nipi i Nazmiut, me thuaj në çfarë ore të takoj.” - ka qenë mesazhi i Petrit Selmanit. 

Shkak për konfliktin mes tyre është bërë mos grumbullimi i Gentian Selmanit në Kombëtare. 26-vjeçari aktualisht është portier i KF Tiranës në Superligë ka qenë pjesë e Kombëtares A dhe ka luajtur katër takime, ndërsa nuk u grumbullua nga Sylvinho për ndeshjet kundër Ukrainës dhe Gjeorgjisë në Nations League (7 dhe 10 shtator 2024).

I ati, Nazmiu me gjashtë personat e tjerë kanë kërcëuar Dukën, që nga ana e vet mësohet se ka thënë se "nuk ndërhyn në zgjedhjet e trajnerit". Me akuzen e kanosjes per shkak te detyres, Nazmi Selmani rrezikon nga gjobe deri ne 2 vite burgim.

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lushka: 04/09/2024 11:55

    Normale qe pazarhane eshte shqiperia. Edhe ky burr mendon me te miren per femijet e tij si kushdo ne keto komb. Pse mos I fuste futbollist i kishte edhe pse mos hynin. Ketu pershesh eshte Ber cdo gje qe na rrethon.gabim qe e ka kercenuar. Mandi eshte super I fuqishem edhe me njerez te fuqishem duhet shume kujdes.

    Përgjigju
  • Sondazhi i ditës:

    PD gris mesazhin e Begajt për sesionin e ri parlamentar, si e vlerësoni?

Lajme të tjera



×

Lajmi i fundit

Djali vret babain në Shenavlash të Durrësit! Trupi i pajetë gjendet në një pus

Djali vret babain në Shenavlash të Durrësit! Trupi i pajetë gjendet në një pus

4 Shtator, 16:08