Durrës, LSI bashkon votat me PD
e bllokojnë buxhetin e bashkisë

Ngrin koalicioni PS-LSI në Durrës. Me 15 vota kundra, 5 apstenim dhe 21 pro, nuk kalon për miratim buxheti i 2017-ës, i cili është 43 milion dollarë. PD dhe LSI bashkojnë votat dhe rrëzojnë buxhetin e bashkisë së Durrësit për vitin 2017.

Këshilltarët e LSI-së dhe ata të PD-së votuan kundra me argumentin se hartimi i projekt-buxhetit është bërë nga administrata e bashkisë pa marr parasysh sygjerimet e qytetarëve durrsak dhe këshillëtarëve të forcave të ndryshme politike në këshillin bashkiak. Në emër të grupit të këshilltarëve të LSI-së, Jeton Rexhmati deklaroi se propozimet e këshilltarëve mbetën në sirtar, duke mos u marr parasysh nga administrata e Bashkisë.

Në të njëjtën linjë qëndruan edhe këshiltarët e djathtë, të cilat pohuan se qytatarët durrsak nuk dinë çfarë ka brenda buxheti i 2017-ës, pasi nuk janë lajmëruar për të marr pjesë në dëgjesën publike, e cila u zhvillua dy ditë më parë në ambjentet e pallatit të kulturës "Aleksandër Moisiu".

Përplasje të ashpra mes këshillëtarëve të PD-së e LSI-së me këshilltarët e majtë dhe kryebashkiakun Dako, të cilin e kryqëzuan për mosrespektim të hartimit të projekt-buxhetit.

180 projekte janë parashikuar të investohen nga bashkia e Durrësit me buxhetin e 2017-s. Mbi 20 shkolla, kopshte, çerdhe, si dhe dhjetra rrugë, sheshe, e projekte të tjera do të përfitojnë nga buxheti i vitit të ardhëshm.

Sakaq, pjesa tjetër e buxhetit do të shpërndahet në drejtime të tjera si; planifikimi i menazhimit administrativ, shërbimet publike, strehimi dhe shërbimet sociale, kultura dhe sportet, zhvillimi ekonomik vendor. Asnjë qindarkë nuk është parashikua në buqësi dhe mbrojtjen e sigurisë publike.

Redaksia Online
XH.K/Shqiptarja.com