Një aksident rrugor është shënuar në Durrës, ku një automjet ka përfunduar te shkallët e Amifiteatrit. Megjithatë ky nuk është incidenti i parë që shënohet në këtë zonë.

Prej disa kohësh, makina turistësh që vizitojnë qendrën e Durrësit në orët e vona përfundojnë gabimisht tek shkallët pranë amfiteatrit, në rrugën “Sotir Noka”, duke ndjekur orientimin e GPS-it.

Situata ka krijuar rrezik real, sakaq banorët e zonës raportojnë dëmtime të shkallëve të mermerit, si pasojë e përpjekjeve të drejtuesve të mjeteve për të shmangur aksidente më të rënda.

Pavarësisht tabelave sinjalizuese të vendosura nga vetë banorët, rreziku vijon të mbetet i pranishëm. Në një qytet që po konsolidohet si destinacion turistik gjatë gjithë vitit, mungesa e sinjalistikës së duhur pranë monumenteve historike mbetet një problem serioz. 

1769869629_durres.jpg

Foto:Rruga që ndjekin turistët