POP 5

Lajmet më të lexuara të 5 minutave të fundit

Kultura

Durrës, një varrezë e periudhës mesjetare është zbuluar në Forumin Bizantin

Një varrezë që i përket periudhës së Mesjetës është zbuluar gjatë gërmimeve të ekspeditës arkeologjike që po zhvillohet në Forumin Bizantin të Durrësit. Gërmimet po drejtohen nga arkeologia Brikena Shkodra, e cila tregon rëndësinë e zbulimit të ri.

Një varrezë e periudhës mesjetare është zbuluar në Forumin Bizantin të qytetit të Durrësit. Dokumentimi i kësaj varreze që përkon në këtë periudhë, zgjeron më tej informacionet, pasi sipas Brikena Shkodrës, deri më tani, ka të dhëna sporadike.

“Sërish këtë vit fokusohemi në mbledhjen e informacioneve të mëtejshme për të njohur historinë e funksionimit dhe transforrmimit të forumit rrethor. Është struktura më e rëndësishme e qytetit gjatë antikitetit të vonë, sepse është qendra publike e qytetit në këtë moment historik (shekulli VI)”,- thotë arkeologia Shkodra.

Tashmë prej më se një jave, Brikena Shkodra së bashku me grupin e ekspeditës, kanë nisur gërmimet në këtë forum për të disatin vit radhazi, me shpresën se ende ka të dhëna të cilat do të plotësojnë dhe faktojnë historinë e një qytetërimi të lashtë.

“Jemi pothuajse 70 cm nën nivelin aktual të përdorimit të qytetit dhe kemi hasur në gjurmët e varrezës. Bëhet fjalë për një varrezë të periudhës mesjetare. Nuk e përcakktojmë dot saktësisht momentin kronologjik se kur në mesjetë por është një e dhënë shumë e rëndësishme sepse dokumentimin e periudhës së varrezës mesjetare të qytetit e kemi me të dhëna tepër sporadike”,- thotë arkeologia që drejton ekspeditën.

Forumi Bizantin i Durrësit, i vendosur pranë Teatrit Aleksandër Moisiu, është një nga monumentet më të rëndësishme historike dhe arkeologjike të Shqipërisë. Ky sit përfaqëson një pjesë të trashëgimisë së pasur bizantine të qytetit, e cila ka nxjerrë në dritë një mori zbulimesh gjatë viteve, që dëshmojnë për një të kaluar të pasur kulturore dhe historike.

Ekspedita e re synon të zgjerojë më tej njohuritë mbi këtë sit dhe të zbulojë artefakte të tjera që mund të jenë ende të fshehura. Drejtuesja e ekspedites thekson rëndësinë e mbrojtjes së këtij thesari arkeologjik dhe të vazhdimit të bashkëpunimit me arkeologë të huaj për të siguruar që këto zbulime të trajtohen me kujdes dhe profesionalizëm.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tirona: 29/09/2024 09:19

    Ju lumtë për punën që boni por kujdes se qeveritë (anti) shqiptare fillojn e japin leje për ndërtim aty pastaj e na rrofshin zbulimet.

    Përgjigju
    • Or tej: 29/09/2024 13:54

      Nuk eshte e drejte qe vetem Tironen ta leme me betonizim or teeeejjjjj

  • Njazi: 28/09/2024 19:29

    Suksese Profesoresha !

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31