Pronari i një lokali në Durrës është arrestuar pasi organizonte lojëra fati në këtë subjekt.

Ndërkohë në gjendje të lirë do të hetohen 4 persona pasi u kapën duke vendosur baste sportive.

Gjatë kontrollit të kryer në lokalin në lagjen nr. 13 Plazh, blutë sekuestruan 5 celularë edhe një sasi kanabisi.

“Si rezultat i kontrollit të kryer në bazë të informacioneve të siguruara në rrugë operative, se në një lokal në lagjen nr. 13 Plazh, viheshin baste sportive, me celularë, shërbimet e Stacionit të Policisë Plazh, në bashkëpunim me shërbimet e Komisariatit të Policisë Durrës:

-arrestuan në flagrancë shtetasin E. K., 32 vjeç, banues në Durrës;

-referuan materialet në Prokurori, ku nisi procedimi në gjendje të lirë për shtetasit G. K., H. K., F. P. dhe A. B., të gjithë banues në Durrës.

Në lokalin e 32-vjeçarit, 4 të proceduarit u kapën duke vënë baste sportive, me celularë.

Më tej, gjatë kontrollit fizik të kryer ndaj pronarit të subjektit, u gjet një sasi lënde narkotike Cannabis Sativa”, njoftoi sot policia.

Materialet procedurale iu referuan Prokurorisë së Durrësit, për veprime të mëtejshme.