POP 5

Lajmet më të lexuara të 5 minutave të fundit

Sociale

Durrës/ Përfundon procesi i legalizimit në zonën e Spitallës, 5410 objekte të legalizuara! Drejt përfundimit edhe zonat e Kënetës

Zonat e Spitallës dhe të Kënetës në Durrës janë ndër zonat më të mëdha informale të ndërtuara në vend. Ato kanë filluar të ndërtohen që në vitet 1992-1993 dhe kanë vijuar të ndërtohen deri në vitet e fundit. Në ndryshim nga shumë zona të tjera ku ndërtimet pa leje janë të përziera me ndërtime të ligjshme, këtu kemi të bëjmë me zona 100% informale

Durrës/ Përfundon procesi i legalizimit në zonën e Spitallës, 5410 objekte të legalizuara! Drejt përfundimit edhe zonat e Kënetës

Foto ilustruese

Zonat e Spitallës dhe të Kënetës në Durrës janë ndër zonat më të mëdha informale të ndërtuara në vend. Ato kanë filluar të ndërtohen që në vitet 1992-1993 dhe kanë vijuar të ndërtohen deri në vitet e fundit. Në ndryshim nga shumë zona të tjera ku ndërtimet pa leje janë të përziera me ndërtime të ligjshme, këtu kemi të bëjmë me zona 100% informale.

Në dy Zonat Kadastrale 8511–8517 që mbulojnë kryesisht zonat e Spitallës dhe Kënetës, deri tani rezultojnë të jenë kryer 5410 legalizime. Shumica dërmuese e këtyre legalizimeve rreth 90% janë banesa 1 ose 2 familjare, ndërsa pjesa tjetër janë objekte shërbimi dyqane apo punishte të vogla. Gjithsej këto dy zona kanë rreth 6000 objekte informale, shifra e saktë e të cilëve do të dali vetëm në fund të procesit.

Legalizimet e para sporadike i përkasin vitit 2010, për të vijuar në mënyrë masive pas vitit 2013, për të arritur në një pik prej 1614 legalizimesh në vitin 2016, pas të cilit procesi ka ecur me ritmet e rreth 300 legalizime çdo vit.

Me qëllim krehjen e detajuar të territorit, puna e Drejtorisë së Kadastrës Durrës u përqendruar fillimisht në Zonën e Spitallës.

Një nga problemet e ndeshura gjatë procesit të legalizimeve është edhe mungesa e personave në banesa për të bërë të mundur kryerjen e matjeve në terren nga punonjësit e Kadastrës. Ky problem në shumë raste ka ngadalësuar avancimin e procesit, pasi është dashur që punonjësit e Kadastrës të kthehen për here të dytë apo të tretë në të njëjtin objekt.

Gjithashtu mbeten edhe një numër i kufizuar (më pak se 100), që nuk plotesojnë kriteret e legalizimit sipas dispozitave të ligjit 20/2020 “Për përfundimin e proceseve Kalimtare të pronësisë në RSH”.

Tashmë që zona e Spitallës e përmbylli këtë proces, brenda muajve në vijim do të përmbyllet ky proces edhe për zonën e Kënetës.

Për këtë, i bëhet thirrje të gjithë banorëve që të përpiqen të kenë vazhdmisht një person në banesë. Edhe në rastin e banorëve që janë në emigracion, kjo mund të mundësohet përmes një fqinji apo të afërmi, të cilit mund ti jepet e drejta e hyrjes në banesë.

Gjithashtu ftohen banorët e Zonës së Kënetës që, edhe nëse nuk janë gjatë ditës në banesë për arsye pune, të lenë një numër telefoni për të mundësuar kontaktin e punonjësve të Kadastrës me ta.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz në finale dhe triumfon në finalet e ATP

Tenis/ Sinner mposht Fritz në finale dhe triumfon në finalet e ATP

18 Nëntor, 10:08