POP 5

Lajmet më të lexuara të 5 minutave të fundit

Kronikë

Durrës/ Po peshkonte bashkë me vëllanë, 40-vjeçari rrëshket nga varka dhe bie në det, polumbarët nisin kërkimet (Emri+VIDEO)

Një 40-vjeçar ka rënë në det gjatë peshkimit në Porto Romano. Ai shoqërohej nga i vëllai dhe një person tjetër por gjatë peshkimit ka rrëshqitur nga varka dhe i tërhequr nga rryma nuk ka mundur të dalë nga deti.

DURRËS- Doli për të peshkuar në det në Porto Romano por nuk u kthye më. Ky është fati tragjik i 40-vjeçarit Aurel Ndoni i cili kishte dalë për të peshkuar me një varkë të vogël së bashku me vëllanë e tij dhe një person tjetër por kushtet e motit nuk kanë qenë dhe aq të favorshme. 40-vjeçari kur ka rrëshqitur në ujë është tërhequr nga rryma dhe nuk ka mundur të dalë nga deti.

"Rreth orës 17:15, kanë shkuar për të peshkuar në Porto Romano, shtetasit A. N., 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. B., i cili është tërhequr nga rryma dhe nuk ka mundur të dalë nga deti. Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. N", njofton policia.

Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

U aludua se tatuazhi i Sarës i dedikohej Ledrit, ja si qëndron e vërteta

U aludua se tatuazhi i Sarës i dedikohej Ledrit, ja si qëndron e vërteta

28 Prill, 15:01