POP 5

Lajmet më të lexuara të 5 minutave të fundit

Arkiva

Durrës, saldimet në anije
shkak i tragjedisë: 3 viktima
-
Anija-çisternë "Edirne" me flamur të Sierra Leone dhe ekuipazh turk e azerbaxhanas mori flakë sot në mesditë në Durrës dhe u fundos 30 minuta pas shpërthimit të zjarrit. Pastrimi i çisternave dhe  saldimet e kryera nga dy punonjës, kanë qenë shkaku kryesor i kësaj tragjedie. Anija u fundos 6 milje larg bregut në drejtim të Porto Romanos, ku 3 ditë më parë sharkoi naftën. Në vendngjarje, motovedeta dhe forca të ndihmës së shpejtë. Evakuohen 12 nga 15 pjesëtarët e ekuipazhit, dy pjesëtarë kanë vdekur dhe një tjetër rezulton i zhdukur.

DURRËS – Një anije çisternë është përfshirë nga flakët në portin e Durrësit mesditen e të dielës dhe u fundos vetëm 30 minuta pas shpërthimit të zjarrit. Burime pranë kapitenerisë së portit, konfirmuan për Shqiptarja.com se anija "Edirne" ka shkarkuar 3500 ton naftë rreth tre ditë më parë dhe ndodhet 6 milje larg bregut.

Forca të shumta të policisë portale në bashkëpunim me Guardia di Finanza u drejtuan në vendin e ngjarjes për të dhënë ndihmën e parë. U arrit të vendoset një linjë komunikimi me ekuipazhin e anijes, në të cilën gjendeshin 15 persona. 12 prej tyre janë arritur të evakuohen . Drejtori i Drejtorisë Detare Gazmend Tahiri deklaron se dy persona nga ekuipazhi mësohet se janë djegur dhe një i tretë rezulton i zhdukur.

12 të mbijetuarit u transportuan urgjentisht në spitalin e Durrësit. Drejtori i spitalit të Durrësit, Taulant Baku, shprehet se “të mbijetuarit nuk kanë pasur dëmtime dhe janë në gjendje të mirë shëndetësore”.

I vetmi i humbur është kapiteni i anijes, i cili duket se ka refuzuar të braktisë anijen për t'u larguar në varkat e shpëtimit bashkë me të mbijetuarit e tjerë.

Anija cisternë mban flamurin e Sierra Leones. Në konferencën për shtyp të policisë së Durrësit u deklarua se zjarri është shkaktuar në depozitën numër 3 të anijes, në kohën që ishte duke u punuar me saldatrice. Pikërisht në kohën që ka ndodhur shpërthimin kapiteni anijes kishte zbritur për të kontrolluar punën në depozitën numër 3 të anijes. Pjesëtar të ekuipazhit ishin 6 gjeorgjian, 3 turq, 2 ukrainas dhe 4 azerbajxhanas.

“Vendodhja e anijes, 6 milje nga bregu, e bëri akoma më të vështirë operacionin e shpëtimit” u shpreh Gazmend Tahiri, drejtor i policisë detare. Policia ka deklaruar se ka ndërprerë kërkimet për gjetjen e trupit të kapitenit, për të rifilluar nesër.

(a.q/am/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35