POP 5

Lajmet më të lexuara të 5 minutave të fundit

Kronikë

Sekuestrohen bizhuteri floriri dhe argjendi në Portin e Durrësit! Dyshohet se janë vjedhur në Itali! Në hetim 2 shoferët e autobusit, në kërkim pritësi

Tentuan të fusnin në Shqipëri një sasi bizhuterish floriri dhe argjendi, nis hetimi ndaj dy shoferëve, ndërkohë që është identifikuar edhe pritësi i këtyre sendeve që është shpallur në kërkim.

DURRËS -Një sasi bizhuterish floriri dhe argjendi janë sekuestruar nga policia në portin e Durrësit, pasi po tentohej të futeshin në vend pa u deklaruar.

Bizhuteritë të cilat dyshohet janë përfituar nga veprimtari kriminale, që po futeshin në vendin tonë prej një autobusi që vinte në Shqipëri prej tragetit Durrës-Ankona.

Nga kontrollet në vijë të dytë, në autobusin që kishte drejtues të parë dhe të dytë, përkatësisht  shtetasit Ermal Nebiaj, 34 vjeç dhe Fation Ruko, 37 vjeç, u gjet një sasi bizhuterish floriri dhe argjendi, të cilat dyshohet se 'janë përfituar nga veprimtari kriminale', informoi sot policia e Durrësit.

Dy shoferët e autobusit Ermal Nebiaj, 34 vjeç dhe Fation Ruko, 37 vjeç do të hetohen për veprat penale “Mosdeklarimi në kufi i të hollave dhe i sendeve me vlerë” dhe “Përvetësimi i parave ose mallrave që rrjedhin nga vepra penale ose veprimtaria kriminale”.

Gjithashtu policia ka identifikuar edhe pritësin e këtyre bizhuterive me vlerë, M.T., 59 vjeç i cili u shpall në kërkim. 

"Nga kontrollet në vijë të dytë, në autobusin që kishte drejtues të parë dhe të dytë, përkatësisht  shtetasit E. N., 34 vjeç dhe F. R., 37 vjeç, u gjet një sasi bizhuterish floriri dhe argjendi, të cilat dyshohet se janë përfituar nga veprimtari kriminale. Në vijim të veprimeve procedurale për këtë rast, nisi procedimi në gjendje të lirë për të dy këta shtetas, për veprat penale “Mosdeklarimi në kufi i të hollave dhe i sendeve me vlerë” dhe “Përvetësimi i parave ose mallrave që rrjedhin nga vepra penale ose veprimtaria kriminale”.

Në vijim, si rezultat i hetimeve u identifikua dhe u shpall në kërkim shtetasi M. T., 59 vjeç, i cili dyshohet se do të priste bizhuteritë në Shqipëri. Punohet intensivisht për lokalizimin dhe kapjen e tij.', njofton policia.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55