Gjykata e Apelit e Juridiksionit të Përgjithshëm Tiranë ka lënë sot në fuqi masën e sigurisë “arrest me burg” për Esmerald Ballën, të riun që u arrestua për vrasjen e babait të tij më 13 Gusht të këtij viti, Enver Balla.
Masa ishte vendosur nga Shkalla e Parë Durrës, kurse 30-vjeçari u zbulua dhe arrestua më 4 Shtator, pas hetimeve të thelluara për humbjen e 62-vjeçarit. E njëjta masë edhe për shokun e tij, Edison Brahaj, që akuzohet për moskallëzim krimi. Kërkesa për ndryshim mase ishte bërë nga ky i fundit nëpërmjet avokatit.
Balla e kreu krimin me armën e zjarrit pistoletë, pas një sherri në familje për zhdukjen e 70 mijë eurove nga kasaforta e viktimës.
Gjatë konfliktit fizik, i dyshuari tha se shkrepi armën në vetëmbrojtje, pasi 62-vjeçari po përpiqej ta vriste teks shkonin me makinë te stani i tyre dhe dëshmitar ishte edhe Brahaj.
Më tej trupin e fshehën në pus dhe inskenoi zhdukjen e të atit me një femër misterioze. Hapi një adresë false në internet dhe i dërgoi mesazh të vëllait që të mos e kërkonin babanë se kishte ikur me një grua.
Por pas denoncimit për zhdukje, hetimet dhe përgjimet zbuluan të vërtetën, teksa krimi u pranua nga dy të rinjtë me rolet respektive dhe çështja është në proces nga Prokuroria.
Ngjarja ndodhi më 13 Gusht, por denoncimi u bë më 15 Gusht nga 30-vjeçari. Trupi i Enver Ballës u gjet pas rrëfimeve të të ndaluarve, në pusin ku ishte hedhur dhe pjesërisht i dekompozuar, me dy plagë plumbi në trup, një në kokë dhe një në gjoks.
“Mbi kërkesën e Prokurorisë, është zhvilluar gjykimi lidhur me vlerësimin si të ligjshëm të arrestit dhe caktimin e masës së sigurimit personal ndaj: Personit nën hetim me iniciale E. B, i dyshuar për kryerjen e veprave penale “Vrasjes për shkak të marrëdhënieve familjare” ,“Mbajtja pa leje dhe prodhimi i armëve, të armëve shpërthyese dhe i municionit” dhe të “Fshehjes dhe asgjësimit të kufomës”, parashikuar nga nenet 79/c, 27/1 e 303 të Kodit Penal. Personit nën hetim me iniciale E. B, i dyshuar për kryerjen e veprave penale “Moskallëzim i krimit”, “Veprime që pengojnë në zbulimin e të vërtetës” dhe “Fshehja kufomës”, parashikuar nga nenet 300, 301 e 303 të Kodit Penal”, thuhet në vendimin e Apelit.
Gjykata e Durrësit kishte dhënë masat “arrest me burg” më 7 Shtator ndaj dy të dyshuarve. Pas ankimimit të vendimit nga i ndaluari Brahja, sot më 31 Tetor, Apeli ka vendosur:
“Në përfundim të gjykimit, sot më datë 31.10.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtar Genti Shala, vendosi: Miratimin e vendimit me nr. 627, date 07.09.2024 të Gjykatës së Shkallës së Parë të Juridiksionit të Përgjithshëm Durrës”.
Në këtë mënyrë u pranua kërkesa e Prokurorisë për lënien në fuqi të masës dhe vijimin e hetimeve sipas akteve të dosjes penale.
Vendimi i Apelit për masën e sigurisë ndaj 2 të arrestuarve
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
Aksident në autostradën Durrës-Tiranë, humb kontrollin e mjetit dhe del nga rruga! Vdes 20-vjeçari, nesër festonte datëlindjen
18 Nëntor, 08:41
