POP 5

Lajmet më të lexuara të 5 minutave të fundit

Arkiva

Dy bombardues rusë fluturojnë
pranë Alaskës, zmbrapsen nga SHBA

Zyrtarët amerikanë bënë te ditur në mbrëmje vonë se dy bombardues rusë të tipit, Tu-95 Bear, fluturuan 280 milje në jugperëndim të Bazës së Forcës Ajrore Elmendorf, brenda Zonës Identifikuese të Mbrojtjes Ajrore të Shteteve të Bashkuara  VIDEO
Dy aeroplanë rusë me kapacitet për bartje të bombës atomike kanë fluturuar pranë Alaskës në Shtetet e Bashkuara, duke arritur distancën prej 100 kilometrave nga ishulli Kodiak.

Kjo është hera e parë që kur Donald Trump vendoset në Shtëpinë e Bardhë, që Rusia dërgon bombardues kaq pranë Shteteve të Bashkuara.

Zyrtarët amerikanë bënë te ditur në mbrëmje vonë se dy bombardues rusë të tipit, Tu-95 Bear, fluturuan 280 milje në jugperëndim të Bazës së Forcës Ajrore Elmendorf, brenda Zonës Identifikuese të Mbrojtjes Ajrore të Shteteve të Bashkuara.

Forca ajrore amerikane ka ngritur menjehere dy aeroplanë luftarakë të tipit F-22, për t’i zmbrapsur bombarduesit rusë. 

Sipas Komandës së Marinës amerikane, dy aeroplanët amerikanë F-22, kanë mbajtur nën vëzhgim në distancë të afërt dy bombarduesit rus Tu-95, si dhe u janë përgjigjur në mënyrë profesionale dhe të sigurt.

Gjatë këtij incidenti të pardjeshëm, aeroplanët luftarakë amerikanë fluturuan afër aeroplanëve rusë për 12 minuta dhe pastaj aeroplanët rusë e ndryshuan kursin, duke u kthyer prapa në bazën e tyre në pjesën lindore të Rusisë, ka raportuar rrjeti Fox News.

"Operacioni amerikan ishte “i sigurt dhe profesional”, tha zëdhënësi i Pentagonit, Gary Ross.
alaska rusia
(Harta qe shpjegon se ku ndodhi incidenti)

ruset bear
(Avionet ruse ne misionin ne Siri, viti 2017. te njejtet modele qe fluturuan mvbi Alaske)

Duket se dhe fluturimi i këtyre dy bombarduesve përmban një mesazh të Putin për Trump. Kujtojmë që në 4 Korrik të vitit 2015, një bombardues rus fluturoi pranë bregut të Alaskës dhe piloti komunikoi me kullën më të afërt ajrore me fjalët, “Mirëmëngjesi pilotë amerikane. Jemi këtu për t’ju përshëndetur për Ditën e Pavarësisë së SHBA-ve”, citoi CNN aso kohe.

Redaksia Online
(d.b/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55