Cila është tendenca kryesore e deklarimeve të VIP-ave këtë vit lidhur me pasuritë e tyre?
 Shqiptarët janë në krizë dhe duket se shumica e pushtetarëve janë treguar të kujdesshëm për të deklaruar të ardhura kryesisht nga paga e shpërblime dhe tek-tuk ndonjë qira për prona të patundshme të deklaruara më parë. Ndër pushtetarët nuk ka deklarime për para të depozituara jashtë vendit, ndonëse më parë një gjë e tillë është thënë e pranuar prej tyre. Të bie në sy edhe mungesa e deklarimeve për zotërim të apartamenteve e shtëpive të banimit.

Sa të besueshme janë këto deklarime?
Opinioni i ka sytë në ballë për të parë se, veç apartamenteve luksoze, ministrat e pushtetarët e lartë kanë shtëpi në Golem, Vlorë, apo edhe Razëm e Rrajcë, shkollojnë fëmijët jashtë vendit dhe familjet kanë makina të shtrenjta. Me sa duket, këtu deklarohen vetëm aq pasuri sa mund të kontrollohen nga organet shtetërore.\
(sg/shqiptarja.com)