POP 5

Lajmet më të lexuara të 5 minutave të fundit

Politikë

Dy qeveritë, 100 mijë
euro për Preshevën

Dy qeveritë shqiptare, ajo e Shqipërisë dhe Kosovës, kanë akorduar vetëm 100 mijë euro ndihmë për Luginën e Preshevës.
Dy qeveritë, 100 mijë<br />euro për Preshevën
PRESHEVE- Dy qeveritë shqiptare, ajo e Shqipërisë dhe Kosovës, kanë akorduar vetëm 100 mijë euro ndihmë për Luginën e Preshevës. Kyeministri kosovar, Hashim Thaçi, nuk e tregoi shumën, por tha se edhe po t’i ndanin të gjitha paratë e mundshme, nuk do të mjaftonin për shqiptarët e Luginës. “Nuk ka para dhe miliona që e mbulojnë angazhimin e dy qeverive tona ndaj mbështetjes së shqiptarëve të Luginës së Preshevës. Ne jemi në konsulta të përhershme me shqiptarët në Preshevë, Medvegjë e Bujanoc”, u shpreh Thaçi. Ndërkaq, Edi Rama tregoi shumën e saktë të ndarë për shqiptarët e Luginës.

Kjo shumë, sipas tij, është 100 mijë euro, dhe i dedikohet maternitetit në Preshevë. “Ne kemi akorduar 100 mijë euro. Nuk është një shumë e vendosur ashtu rastësisht, por është një shumë që do të mbulojë të gjitha shpenzimet e parashikuara për nevojat që do ta fusin në funksionim maternitetin e Preshevës. Unë ju siguroj se mbledhja e dy qeverive kishte të pranishëm që të gjithë përmes angazhimit të plotë dhe vullnetit të mirë të të dyja qeverive për t’i përfaqësuar të gjithë”, theksoi Rama. Liderët e Luginës së Preshevës shprehen të pakënaqur me 100 mijë eurot e dhëna nga dy qeveritë shqiptare; ajo e Shqipërisë dhe ajo e Kosovës për maternitetin e Preshevës.

“100 mijë eurot e Thaçit dhe Ramës nuk dalin as për zhileta (pa llogaritur shkumën) për studentët shqiptarë nga Lugina në Prishtinë e Tiranë, të përzënë nga Serbia, të cilëve nuk iu është hapur universitet në Preshevë?!..”, kanë deklaruar dje dy liderët nga Presheva dhe Bujanoca, Galip Beqiri, kryetar i KKSH-së bashkë me Jonuz Mysliun, kryetar i Lëvizjes për Progres Demokratik në Luginën e Preshevës për agjencinë e lajmeve “Presheva jonë”.
 

Shkrimi u publikua sot (12.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04