Dy të zhdukurit në Sarandë, vëllai i Sulovarit: Ja kemi lënë në dorë policisë, Rrumbullaku na tha se hetimet po ecin mbarë

 

Vëllai i Fatmir Sulovarit, Gëzim Sulovari foli pas ballafaqimit të tij dhe të afërmve të Leonard Thodhorit me Muhamet Rrubullakun. Vëllai u shpreh se do të ndërpriten protestat pasi besojnë se hetimet janë në rrugën e duhur. Pas komunikimit me kryepolicin, Muhamet Rrumbullaku, familjarët thonë se kanë shpresë që të paktën të kërkojnë për trupat e tyre.

“Nuk na dhanë shpjegime, na thanë jemi në hetime. Tani të shpresojmë, ua kemi lënë në dorë policisë. Unë jam vëllai i madh i Fatmirit. Do e ndërpresim protestën pasi ja lamë në dorë policisë së Tiranës. Ai është zhdukur që nga data 6, s’kemi pasur probleme. S’kemi dyshime sepse s’kemi konflikte me askënd.

LEXO EDHE:
Ambasadori i Rusisë në Tiranë largohet nga Shqipëria, ja kush e zëvendëson

Leonardin e ka pasur të njohur, nuk kanë qenë shok. Unë personalisht Leonardin nuk e kam njohur. S’e di s’flas dot se nuk di gjë për të.

Dëgjuam fjalët e njerëzve se mund të jenë hedhur nëpër fshatrat ku përqëndruam kërkimet. U nisëm me llafe Sarande.”- tha i vëllai i Fatmir Sulovarit.

Lajmi kryesor:

VIDEO/ Zhdukja e Sulovarit dhe Thodhorit në Sarandë, familjarët protestë para Policisë së Shtetit në Tiranë: T’u hedhim një dorë dhé nëse janë vrarë

G.MO/r.k./Shqiptarja.com

TAG:
• zhduken sulovari dhe thodhori
• proteste
• Muhamet Rrumbullaku
• Tirane
• Fatmir Sulovari
• Leonard Thodhori
• Vlore
• sarande