FIER- Fieri është përfshirë nga dy vatra zjarri ditën e sotme. Një zjarr ka rënë në pyllin e Semanit në afërsi të stacionit të pompimit. Flakët kanë rënë në sipërfaqen e pyllëzuar ndërsa ende nuk dihen shkaqet.
Reparti zjarrfikës është njoftuar në orën 13:40 nga ana e policisë dhe pranë vendit ku kanë rënë flakët janë nisur forcat zjarrfikëse të Fierit.
Zjarri është favorizuar edhe nga era dhe temperaturat e larta. Deri tani është djegur një sipërfaqe e madhe e mbjellë me pisha. Ky është zjarri i dytë brenda pak orëve në Fier, pasi i pari u regjistrua tek ura në Zharrëz.
![](https://shqiptarja.com/template/img/NO_ALFA_Kuadrate shqiptarja.png)
Zjarri në Zharrëz ishte shumë pranë banesave dhe zjarrëfikësja është në vendgjarje .Tek ura bëhen shpeshherë edhe derdhje të hidrokarbure me përbërje nafte.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)