PATOS- Dy vatra të mëdha zjarri kanë rënë në fshatin Peshtan të Fierit ku deri më tani janë djegur më shumë se 10 ha tokë.
Prej më shumë se 6 orësh zjarrfikësit kanë qenë në terren në "luftë" me flakët, ku fatmirësisht kanë arritur që të vënë në kontroll zjarrin. Situata është paraqitur e vështirë për shkak të terrenit të thepisur, ku në vendngjarje kanë mbërritur rreth 100 zjarrfikës, edhe nga Bashkia e Patosit. Në një lidhje telefonike për Report Tv, shef i zjarrfikëses në Patos, Alket Halimi tha se në fillim zjarri ka rrezikuar dy stalla, por fatmirësisht tashmë situata paraqitet e qetë. Nga flakët janë djegur rreth 300 rrënjë ulliri, e ndërsa pjesa tjetër me shkurre.
Nuk dihen ende shkaqet e zjarrit. Duke bërë një krahasim me vitin e kaluar, Halimi tha se këtë vit, janë regjistruar më pak vatra zjarri.
![](https://shqiptarja.com/template/img/NO_ALFA_Kuadrate shqiptarja.png)
"Ka përmasa dhe shtrirje të madhe, për momentin ka vatra të vogël, por punohet me të gjitha mjetet. Nuk dihet ende shkaku, në momentin e para të zjarrit rrezikoheshin dy stalla të mëdha, për momentin nuk ka rrezik, janë djegur një sasi e konsiderueshme ullishte. Janë djegur gati rreth 10 ha, por jo e gjithë me ullinj, por edhe me shkurre. Është shumë e vështirë ndërhyrja, rreth 100 forca zjarrfikëse edhe nga Bashkia e Fierit. Kemi marrë njoftimin nga qytetarët. Duke parë situatën është kërkuar ndihmë edhe instancave të tjera. Të krahasuar me 2 vite më parë, situata e zjarreve është më e mirë, vetëm muaji gusht ka pasur pak problematikë", tha Halimi.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Shyqyr më në fund Fier gjitonet se u kalb Vlora nga pislleku i lajmeve të pista. Rrezik gjitonet na e sabotojne turizmin
Përgjigju