Bota

Dyshimet mbi ndërhyrjen ruse në zgjedhjet presidenciale/SHBA mbyll hetimet

Pas dorëzimit të raportit federal të hetimit të nisur mbi Rusinë nga prokurori special Robert Mueller, Departamentit të Drejtësisë ka përfunduar hetimi mbi dyshimet e ndërhyrjes ruse në zgjedhjet presidenciale amerikane të vitit 2016.

Donald Trump, presidenti i SHBA-së dhe homologu rus Vladimir Putin

Redaksia 22 Shkurt 2019, 17:03 | Përditesimi: 22 Shkurt 2019, 17:17

Hetimi për dyshimet e ndërhyrjes ruse në zgjedhjes presidenciale amerikane të vitit 2016, ka përfunduar. Prokurori i përgjithshëm Bill Barr po përgatitet të njoftojnë javën e ardhshme se prokurori i posaçëm Robert Mueller i ka dorëzuar raportin përfundimtar së bashku me një përmbledhje sekrete, për të cilën kreu i Departamentit të Drejtësisë, do të vendosë nëse do t’ia paraqesë Kongresit. Rrjeti amerikan raporton se përgatitjet e fundit janë treguesi më i qartë se prokurori Mueller i ka dhënë fund hetimit që zgjati për mbi dy vjet.

Megjithatë, koha për ta bërë këtë njoftim mund të ndryshojë, së bashku me atë se çfarë do t’i paraqesë Kongresit Prokurori i Përgjithshëm. Më herët Prokuroi i Përgjithshëm Bill Barr ka deklaruar se dëshiron të jetë sa më “transparent” që të jetë e mundur me Kongresin dhe publikun. Presidenti Trump e ka mohuar vazhdimisht bashkëpunimin me Rusinë dhe e ka quajtur hetimin si një “gjueti shtrigash”. Moska gjithashtu ka mohuar çdo ndërhyrje. Deri tani, 34 veta dhe tre kompani kanë pranuar akuzat, janë paditur ose po hetohen, duke përfshirë disa ish-këshilltarë të Trump-it.