Dyshohen si autorë të 3 zjarreve në Lushnjë dhe në Durrës, shoqërohen 4 persona

Policia ka shoqëruar katër persona që dyshohet se janë autorët e 3 zjarreve në Lushnjë dhe në Durrës. Katër personat e shoqëruar në Polici dyshohet se janë autorë të  tre rasteve të zjarrvënies, mesditën dhe pasditen e sotme.

Konkretisht bëhet fjalë për një rast të zjarrëvënies në Golem të Lushnjës, një në lagjen “Hajdaraj” në Lushnjë dhe një në Manzë të Durrësit

"Falë bashkëpunimit me qytetarët, reagimit në kohë dhe veprimeve të shpejta, strukturat e Policisë së Shtetit në Lushnjë dhe në Manzë të Durrësit kanë identifikuar, lokalizuar dhe shoqëruar në Polici, për veprime të mëtejshme, 4 shtetas, autorë të dyshuar të tre rasteve të zjarrvënies, mesditën dhe pasditen e sotme (një rast në Golem të Lushnjës, një në lagjen “Hajdaraj” në Lushnjë dhe një në Manzë të Durrësit). 

LEXO EDHE:
Aktivizohet zjarri në zonën e Dropullit, flakët rrezikojnë banesat

Policia e Shtetit apelon për të gjithë banorët, që në asnjë rast të mos ndezin zjarre, pasi do të përballen me ligjin. Policia fton qytetarët që të denoncojnë në numrin 112, për çdo rast të zjarrvënies apo të paligjshmërisë në tërësi, duke iu garantuar anonimatin dhe reagim të shpejtë e të paanshëm nga strukturat policore", njofton policia.

SI.E./Shqiptarja.com

TAG:
• zjarr
• lushnje
• Durres