TIRANË- Një vilë 2 katëshe në një prej zonave më luksoze dhe të lakmuara të Tiranës, “Rolling Hills”, në pronësi të noteres 35-vjeçare, Sanja Telhallari, është në mesin 18 pasurive me vlerë 3 milionë euro, të sekuestruara nga Prokuroria e Tiranës, mbi dyshimet se rrjedhin nga aktivitetet kriminale. E vendosur mes vilave të tjera, kjo pronë bie në sy për luksin, e pajisur me pishinë dhe facilitete të tjera rreth e përqark.
Përveç saj, përmes operacionit “Nënshkrimi” u sekuestruan edhe 12 prona të tjera të paluajtshme, kryesisht apartamente dhe biznese në Tiranë, si dhe 5 llogari në banka të nivelit të dytë. Burimet i thanë Report Tv se vetëm para nëpër banka, noteres së luksit iu gjetën dhe sekuestruan të paktën 200 mijë euro, po ashtu të ardhura krimi.
Seksioni për Hetimin e Pastrimit të Parave pranë Policisë së Tiranës nisi hetim për Telhallarin pas një ngjarje të ndodhur në zonën e Astirit më 15 gusht 2023, në tentativën për vjedhjen e makinës së saj të luksit, “Mercedes Benz G Class”, teksa ajo ishte në një kafe. Nga aty nisën dyshimet që Telhallari nuk mund të justifikonte pasuritë marramendëse që kishte në pronësi.
"Në kuadër të një procedimi penal, të iniciuar në Prokurorinë e Tiranës, me objekt gjurmimin e aseteve kriminale, të dyshuara të përfituara nga shtetasja S. T., 35 vjeçe, banuese në Tiranë, gjatë kryerjes së detyrës si notere, Seksioni për Hetimin e Pastrimit të Parave dhe Aseteve Kriminale finalizoi operacionin “Nënshkrimi”. Në vijim të veprimeve procedurale, të kryera në kuadër të këtij procedimi, u ekzekutua vendimi i Gjykatës së Tiranës, për ekzekutimin e 18 pasurive të 35-vjeçares, me vlerë 3 milionë euro, konkretisht 13 pasuri të paluajtshme dhe 5 llogari bankare", njoftoi Policia e Tiranës.
Nga hetimi në vijim rezultoi se gjatë 11 viteve të fundit, nga 2013-a deri në 2024-ën, Sanja Telhallari, ka kryer një numër të konsiderueshëm transaksionesh për blerjen e këtyre pasurive të paluajtshme, apartamente, dyqane, vende parkimi dhe vilën në kompleksin “Rolling Hills”.
Investimet e saj vijuan në makina të shtrenjta, të cilat nuk justifikoheshin nga të ardhurat ekonomike prej punës si noterë. Verifikimi çoi në mospërputhje të dukshme mes të ardhurave të ligjshme dhe shpenzimeve të kryera për këto investime. Prokuroria dyshon se një pjesë e parave të përdorura për e pasurive të saj, sot të sekuestruara, janë të ardhura të paligjshme të ish-bashkëshortit, Klodian Porja, i cili rezulton në kërkim ndërkombëtar nga autoritetet italiane, i dënuar me 21 vjet burg për shfrytëzim prostitucioni.
"Nga verifikimet, u konstatua një mospërputhje e dukshme midis të ardhurave të ligjshme të deklaruara dhe shpenzimeve të kryera për këto investime. Dyshohet se një pjesë e fondeve të përdorura për blerjen e pasurive kanë ardhur nga ish-bashkëshorti i saj, shtetasi K.P., i cili është shpallur në kërkim ndërkombëtar nga autoritetet italiane dhe është dënuar për vepra të rënda penale, përfshirë veprën penale të “Shfrytëzimit të prostitucionit”, me një dënim maksimal deri në 21 vjet burgim", tha Prokuroria.
Autoritetet dyshojnë se në pronësi të Sanja Telhallarit janë edhe disa prona të tjera në jug të vendit, me kontratë pronësi dhe jo certifikatë në emër të saj, të cilat po verifikohen dhe në vijim mund të ketë vendim sekuestro. Prokuroria thotë se sekuestrimi i këtyre pasurive bëhet me qëllim ruajtjen e tyre hetimit dhe të parandalojë transferimin apo përdorimin e tyre për të fshehur origjinën e paligjshme.
Telhallari rezulton të ketë ndryshuar edhe emrin vite më parë, duke e bërë nga Sonja në Sanja. Disa muaj më parë, Sanja Telhallarit i është grabitur vila e saj në “Rolling Hills” nga persona ende të paidentifikuar. Burime pranë policisë konfirmojnë se noterja milionere ka bërë denoncim, ku ka pretenduar se i janë marrë të paktën 3 çanta me sende me vlerë dhe para, por pa dhënë detaje të plota të shumave. Mediat kohë më vonë shkruani se autorët e grabitjes dyshohet të kenë pasur dijeni të plotë për sendet me vlerë, dhe besohet se i janë marrë të paktën 500 mijë euro, ora luksoze të markave Rolex dhe Breitling, çanta të shtrenjta, bizhuteri dhe sende të tjera me vlerë qindra mijëra euro.
Së fundmi, më 29 prill të këtij viti, babai dhe vëllai i saj, Arjan dhe Lorenc Telhallari, u bënë pjesë e një sherri ku u përdorën armët pranë zyrës elektorale të PSD-së në “Ali Dem”, pas një konflikti për kontrollin e llotove. Për këtë ngjarje, gjykata liroi Lorenc Telhallarin, 24 vjeç, duke konsideruar se nuk kreu vepër penale, ndërsa i ati Arjani u la në “arrest shtëpie” për kanosje dhe armë pa leje.
Pasuri me vlerë 3 milionë euro i janë sekuestruar sot noteres Sanja Telhallari.
Nga hetimet e kryera nga prokurori Ndini Tavani ka rezultuar se gjatë 11 viteve, nga 2013 deri në 2024, 35 vjeçarja ka kryer një numër të konsiderueshëm transaksionesh për blerjen e pasurive të paluajtshme, përfshirë apartamente, dyqane, poste parkimi dhe një vilë në në prej komplekseve më elitare në Tiranë.
Noterja ka investuar në pasuri të luajtshme dhe të paluajtshme, kryesisht në makina luksoze dhe sende me vlerë të cilat nuk justifikohen nga pikëpamja ekonomike me të ardhurat nga aktiviteti i saj si notere. Këtë luks 35 vjeçarja nuk nguronte ta publikonte as në rrjetet e saj sociale.
Sipas prokurorisë së Tiranës dyshohet se një pjesë e fondeve të përdorura për blerjen e pasurive kanë ardhur nga ish-bashkëshorti i saj, Klodian Porja i cili është shpallur në kërkim ndërkombëtar nga autoritetet italiane dhe është dënuar për vepra të rënda penale, përfshirë veprën penale të “Shfrytëzimit të prostitucionit”, me një dënim maksimal deri në 21 vjet burgim.
E kontaktuar nga Top Channel noterja tha se vijon punën normalisht dhe se do të shprehet kur gjykata dhe prokuroria të kenë thënë fjalën e tyre. Sipas saj e shkuara e bashkëshortit nuk mund ta prekë dhe se të ardhurat si notere i ka të gjitha të ligjshme.
Por pavarësisht këtyre dyshimeve noterja 35 vjeçare këtë të hënë e kishte një ditë të zakonshme pune në zyrën e saj noteriale në Tiranë duke pritur e përcjellë klientë./ Top Channel
Noteres Sanja Telhallari në Tiranë iu sekuestruan 3 mln euro pasuri pas dyshimeve se janë të ardhura nga krimi. Seksioni për Hetimin e Pastrimit të Parave pranë Policisë së Tiranës prej disa kohësh kishte nisur hetimet për pasuritë e noteres Sanja Telhallari. Report Tv mësoi se hetimet nisën që pas ngjarjes ku në zonën e Astirit tentuan që ti vidhnin mjetin noteres. Hetuesit panë që mjeti luksoz i noteres "G Class" si dhe verifikuan pasuritë e tjera të saj, të cilat nuk justifikoheshin nga të ardhurat e saj.
Telhallari njihet për jetën luksoze. Përveç, tentativës për t’i vjedhur mjetin luksoz, noterja dyshohet se ka rënë pre edhe e grabitjes në korrik 2025. Sipas disa artikujve në mediat online, Telhallarit i është grabitur edhe vila në Rolling Hills me vlerë 1.5 milionë euro, e cila u sekuestrua sot.
Autorët e vjedhjes duket se kishin informacion të detajuar për atë që ndodhej brenda. Sipas artikujve në media i janë marrë mbi 500 mijë euro cash, ora luksoze të markave Rolex dhe Breitling, çanta të shtrenjta, bizhuteri dhe sende të tjera me vlerë qindra mijëra euro.
Komente
Lajme të tjera
-
Shpërthen bombola e gazit në një piceri në Tiranë, plagosen pronari dhe punonjësi (VIDEO)
4 Dhjetor, 11:30 -
Rinas/ Tentoi të hynte në Shqipëri me 240 mijë € të padeklaruara, nis hetimi për 36-vjeçarin
4 Dhjetor, 11:07 -
Superliga/ Sot tre ndeshje, Partizani pret Bylisin në kryeqytet! Kërnaja: Na kënaq vetëm fitorja
3 Dhjetor, 11:56 -
Në kërkim prej katër vitesh për vrasje në tentativë, arrestohet 26-vjeçari në Tiranë (EMRI)
3 Dhjetor, 10:00 -
Edlir Tetova kryen operacion në zemër, trajneri i Egnatias me urgjencë në spital! Gjendja e stabilizuar
3 Dhjetor, 08:31 -
‘E thjeshtë të rrish me rrogë deputeti në opozitë’, i riu ia plas në sy Berishës: Po na dekurajoni! Promovohen figura që nuk japin rezultate (VIDEO)
2 Dhjetor, 21:41 -
Nisi ciklin e foltoreve nga Tirana, Berisha: Do fillojmë analizën paszgjedhore, s'duhet të shndërrohet në gjueti shtrigash! Jemi në fazën e betejës vendimtare
2 Dhjetor, 19:31 -
Erion Braçe: Banorët e njësisë nr.5 marrin shërbim shëndetësor në katin e parë të një pallati! Gati 850 shtëpi në Selitë ende të palegalizuara
2 Dhjetor, 17:29 -
'Kam besim te ekipi', Ardian Nuhiu para derbin kundër Dinamos: Kjo Tiranë ka nevojë për mbështetje
2 Dhjetor, 12:28 -
Tiranë/ Kirurgët e spitalit ‘Shefqet Ndroqi’, realizojnë me sukses operacionin për heqjen e një formacioni cistik
2 Dhjetor, 09:19 -
Tiranë/ Shpërthen bombola e gazit në një banesë pranë tregut çam, policia në vendngjarje (VIDEO)
1 Dhjetor, 19:35 -
Katër aksidente në pak orë, 2 të vdekur në Tiranë dhe Fier! 18-vjeçarja shpëton mrekullisht pasi u përplas nga autobusi
1 Dhjetor, 17:42
7 vite here 20 mijë euro më vit bëjmë 3 million.
PërgjigjuCudia me e madhe 2 dite zgjat. Neser i merr prap kjo pronat se nuk perben me lajm.
PërgjigjuFillimi eshte inkurajues,por sfumohet rruges. Notere do ti marresh prap,vetem kollitu!
PërgjigjuÇ'deshe mi goc qe bone denoncim se kane dash me t'vjedh makinen.Gabim i rende.Duhet te njohesh systemin albanez,ke bo gafe t'modhe.Ti paske dash me vjedh vetem per vete,leni pra edhe te tjeret te hajne nje çap buke,mos u bo gopseke.Tani maje mren.
PërgjigjuSot ne 2025 nuk Jane asgje 3-9 mil € , populli shqiptar ka krijuar mentalitet komunist , sot Europa nxjerr futbollist sportist biznes e gjithcka ! Furbollisti me i keq ne seria an apo premier legue del me minimumi 30-60mil$ gjate karrieres , ndaj ne Shqipëri ka nje mentalitet social komunist ! Njerezit me sukses kudo ne bote pasurohen, sot ne stamboll ka mbi 17 billioner (17 persona + qe Kane mbu 1 miliard €)
PërgjigjuKrahason evropën me shqipërinë e zgjebosur! Ata kanë shekuj që punojnë e pasurohen. Atje verifikohet fitimi I çdo qindarke. Këtu eshte errësirë financiare. Ne, vend i pazhvilluar e pa trashëgimi bëhemi milioner me një zyrë noterie. Po i shoqi denuar në itali për prostitucion a të bën përshtypje? Duket se je një mëndjelehtë se nuk del asgjë nga hiçi.
Zyra noterise te jep nje rroge te mire Nuk te ben miliarder! As avokati as prokurori as gjyqtari... Po kto jane me shkelje ligji dhe vjedhje Dhe trafiqe te ndryshme, Kushedi me ke i ka te lidhura dhe kujt ja pastron leket.. Por skane tru ne pegjithsi ne si popull jemi idiot Dhe pa intelekt , vetem duam te hapemi bythsh Nga fshatare pa toke , duam te dukemi milionere..
PërgjigjuSh.mirë që e keni kapur por a mjafton kjo për drejtësinë e re?Jo!Keni mëse 6 vjet që zvarisni shumë jrime që:nga Gërdsci,Partizani,Sterilizimi dhe dhel mbi bishtjn e padrejtësis Adestime dhe proçese hethesie me vite si ato të krerëve të U.Ç.K. Pra kush jeni dhe kujtë i shërbeni se popullit JO.
PërgjigjuNoterët dhe avokatët e plepave kanë gjetur telat nëpër kadastra dhe shantazojnë klientët duke u kërkuar dhe 30%të pasurisë n.q.s nuk ka të paguaj.
Përgjigjuhetimi duhet te perfshije edhe menyren se si kjo bukurane ka marr licencen e noteres, pasi flitet se e ka blere licencen duke paguar nje minister drejtesie. Kompleksi Rolling hills duhet te kaloje i gjithi ne site, pasi aty bashkejetojne krimi dhe biznesi
PërgjigjuKjo dhe miniere Diamanti ta kishte ..nuk do i bente dot 3 milion euro 35 vjece.
PërgjigjuPër mendimin tim, duhen futur të gjitha pronat dhe pasuritë e të gjithë shqiptarëve në skaner. Nuk ka shans që të bëhesh me prona e pasuri marramendësi me të ardhura normale. Të përdoret droni në të gjithë Shqipërinë të fotografojë çdo gjë dhe të verifikohet kush i ka, si i ka përfituar etj..
PërgjigjuPse ju dogji juve ore trima?! Nuk po them per ndonje shtepi apo apartament normal qofte edhe i shtrenjte se hajt se po e besoj qe ke punuar jashte e ke kursyer e ke blere shtepi te mire. Po...Mund te me thoni se si mund te perfitohen prona e pasuri miliona euro me nje pune normale?! Qofte kjo edhe tregeti?! Nese ben biznes brenda rregullave, dmth duke paguar taksa, e duke paguar punonjes me page reale, nuk arrin te besh miliarda ne kaq pak vite. Duhet te pakten nje brez. Apo ju nuk e quani vjedhje kur pronari nuk te jep page reale?! Apo nuk e quani vjedhje ju duke falsifikuar tapite, apo nuk e quani vjedhje ju kur merr pronen e shtetit, dhe e ben tenden...?! Etj.., etj... Sepse lista eshte aq e gjate sa nuk ka liber qe i mban dot te shkruara. Keshtu qe ti o zagar mos me trego mua komunizmin apo demokracine, klasen e vjeter politike apo klasen e re. Shiko se mos ndoshta te del ndonje pasuri e pajistifikuar dhe te vjen rradha.. Prandaj jemi ne kete gjendje ekonomike ne sepse vjedhin te gjithe, kush te mundet e kujt t'i jepet mundesia. Ai te dyqani i lagjes s'te jep faturen(quhet vjedhje), se aq ka mundesi te vjedhe. Nese do ishte ne ndonje post me para me shume do vidhte me shume. Keshtu o zagar, kerkojeni tek vetja hajdutllekun. Une per vete kaq pak pasuri qe kam e kam te justifikuar. Sepse sa me shume te kesh, aq me e veshtire behet justifikimi.
o Lui o zagar nga 1991 kemi 2025 plot 35 vjet , nuk kemi shtet zero cdo vit qe te do ty rroçka , nese do ndryshim e kishe Arlind qorrin me shokë por nuk i votuat mbajten klasen e vjeter , klasa e vjeter politike i ka milionat nuk I Kane tastiera e eres me mut politik dhe frike mentalitet komunist ! Keshtu nisi demokracia me lider te 1991 jemi akoma dhe me ramen rrekordman me 30 vjet pushtet bos i madh o mik
99,9% e Shqiptareve (perfshire edhe veten Time), e kane te pamundur qe te justifikojne ligjerisht pasurine, sado e vogel qofte, Kjo si rrjelloje e nje ekonomie te paformalizuar per vie te tere.Prandaj kujdesni me keto "deshira" , pasi mund te digjeni vete.
Je 1 , plotesisht dakord me ty.. Ne fund te denohen nga i pari te i fundit, Jo sekuestro 2 prona sa me thene dhe jetuan te lumtur! Se ne sna ka bo lopa qe si marrim kujt prona Sjane me trima kto, po ne kemi karakter se si prekim tjetrit Kur sna takon. Kto vidh e plackit e mashtron e vrit e kurvero Asnje gjemb ne kembe
O lali po vetem vila ne rrolling hills eshte 3 milion euro 2 kate plus pishna Vetem pompa pishines ben 50 mije euro A kujtoni se hajme bare ne dhe pse sjemi hajdute! Nje vile modeste ne rrolling hills 1 kat fillon me 1.5 milion euro pa pishine! Kurse kjo me g klas e klas S te 2025 dhe villa e shpia e parking garazhd Shtoje pak vleren a tkeqen se per kaq bjere se ja blej une Po marr kredi i le kolateral kto ma japin direkt...
Përgjigju