POP 5

Lajmet më të lexuara të 5 minutave të fundit

Kronikë

Dyshohet se do kryente vrasje, në kërkim 23-vjeçari në Kurbin! Në makinë iu gjet snajper me precizion të lartë! Gjatë arratisjes rrezikoi jetën e policëve

Orgest Mehi, 23 vjeç është shpallur në kërkim nga policia e Lezhës, pasi dyshohet se do të kryente një vrasje, mesnatën e (18 dhjetorit). Siç njofton policia, në bazë të informacioneve, në vendin e quajtur ‘Kryqëzimi i Fushë Kuqes’, Kurbin, ata i bënë me shenjë ndalimi një makine në të cilën dyshohet se po qarkullonte i riu që do të kryente vrasje.

LEZHË- Orgest Mehi, 23 vjeç është shpallur në kërkim nga policia e Lezhës, pasi dyshohet se do të kryente një vrasje, mesnatën e (18 dhjetorit). Siç njofton policia, në bazë të informacioneve, në vendin e quajtur ‘Kryqëzimi i Fushë Kuqes’, Kurbin, ata i bënë me shenjë ndalimi një makine në të cilën dyshohet se po qarkullonte i riu që do të kryente vrasje. 

23-vjeçari, i cili po drejtonte makinën, sapo ka parë shërbimet e policisë, ka rritur shpejtësinë, duke rrezikuar edhe jetën e punonjësve të policisë që ishin në patrullë. Pasi është larguar me shpejtësi në fshatin Gurëz, ka braktisur automjetin dhe duke përfituar nga errësira është larguar me shpejtësi. 

Gjatë kontrollit në makinë, policia ka gjetur një armë zjarri snajper me precizion të lartë, me një krehër me fishekë në fole gati për qitje, si dhe një çantë me fishekë të tjerë për këtë armë.    

Në kuadër të hetimeve, u arrestua Mateo Dashi, 21-vjeç, banues në fshatin Gurëz, Kurbin, si dhe u shpall në kërkim Gjon Martinaj 30 vjeç, banues në Fushë Kuqe, Kurbin.

Sipas policisë të dy dyshohen si bashkëpunëtorë të Orgest Mehi, 23 vjeç, banues në fshatin Gurëz, Kurbin (i shpallur në kërkim), për veprat penale "Sigurimi i kushteve dhe mjeteve materiale për të kryer vrasje" dhe "Prodhimi dhe mbajtja pa leje e armëve, armëve shpërthyese dhe municionit luftarak". 

Ndërkohë policia po vijon kontrollin për kapjen e Orgest Mehit dhe Gjon Martinajt.    

Vijon puna hetimore në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për identifikimin e shtetasve të tjerë të përfshirë në këtë veprimtari kriminale dhe për dokumentimin e plotë ligjor të saj.  

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arturi: 18/12/2023 21:15

    Martinajt apo cka? Di kush gje?

    Përgjigju
    • Bim: 19/12/2023 10:14

      Se di

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56