Ekspertiza konfirmon përdhunimin e 31-vjeçarit me probleme mendore në Elbasan! 44-vjeçari lihet në burg! Tjetri arrest shtëpie

ELBASAN- Ekspertiza mjekoligjore ka konfirmuar se 31-vjeçari me probleme mendore në Elbasan është përdhunuar. Dy të dyshuarit për ngjarjen kanë dal sot para Gjykatës së Elbasanit, ku për 44-vjeçarin B. J., është caktuar masa e sigurisë arrest me burg.

Ndërkohë, për të dyshuarin tjetër, R. B., 59 vjeç, është caktuar masa e sigurisë arrest shtëpie. Familja pretendon se ngjarja ka ndodhur më datë 4 prill në një fshat të Elbasanit. Sipas pamjeve filimike, rezulton se atë ditë 59-vjeçari që u la në arrest shtëpi, ka qenë në punë duke shtruar pllaka te një objekt pranë Komisariatit të Policisë Elbasan. Kjo është e vërtetuar nga pamjet filmike të siguruara në zonën ku punon.

“Prokuroria ka marrë në shqyrtim pamjet filmike të paraqitura nga mbrojtja për R.B ku vërtetohet se nuk ka qenë në vendin e ngjarjes në kohën e pretenduar. Për pasoje Prokuroria ka ndryshuar qëndrim dhe ka kërkuar arrest shtëpie. Tjetri arrest me burg pa afat”, tha avokati i 59-vjeçarit.

LEXO EDHE:
Mbrojtja e mjedisit, Rama paralajmëron ligj të ri për menaxhim e integruar të mbetjeve

Ndërkohë, 44-vjeçari ka pranuar se e kanë zhveshur djalin, teksa ky i fundit u dërgonte kafenë në vendin ku punonin si roje pranë një objekti privat.

Ndërkohë policia dhe psikologët po punojnë për marrjen e mëtejshme në pyetje të 31-vjecarit i cili vuan nga epilepsia dhe probleme të shëndetit mendor.

SI.E./S.G/Shqiptarja.com

TAG:
• perdhunim
• Elbasan