POP 5

Lajmet më të lexuara të 5 minutave të fundit

Bota

Dyshohet se shpërtheu bombola e oksigjenit, zjarr në spitalin COVID në Irak, mbi 50 pacientë të vdekur

Më shumë se 50 pacientë kanë gjetur vdekjen pas zjarrit të rënë në një spital COVID. Referuar mediave ndërkombëtare, zjarri ka rënë në spitalin Al-Hussein në qytetin jugor të Nasiriya, për motive ende të paqarta, po kjo ka shkaktuar trazira të mëdha në vend, pasi nuk është hera e parë që një spital COVID është përfshirë nga flakët.

Dyshohet se shpërtheu bombola e oksigjenit, zjarr në spitalin COVID në Irak, mbi 50 pacientë të vdekur

IRAK- Më shumë se 50 pacientë kanë gjetur vdekjen pas zjarrit të rënë në një spital COVID. Referuar mediave ndërkombëtare, zjarri ka rënë në spitalin Al-Hussein në qytetin jugor të Nasiriya, për motive ende të paqarta, po kjo ka shkaktuar trazira të mëdha në vend, pasi nuk është hera e parë që një spital COVID është përfshirë nga flakët. Dyshimet paraprake janë se ka shpërthyer një bombol oksigjeni, megjithatë vijojnë hetimet për të dalë në rezultatin përfundimtar.

Kryeministri i Irakut Mustafa al-Kadhemi urdhëroi arrestimin e shefit të spitalit, teksa familjarët e pacientëve kanë protestuar jashtë ndërtesës. Reparti i ri kishte hapësirë ​​për 70 shtretër dhe u ndërtua vetëm tre muaj më parë, thanë zyrtarët mjekësor, ku të paktën 63 persona kanë qenë të shtruar në momentin që spitali i përfshi nga flakët. Operacionet e kërkimit vijojnë. Një prej rojeve të spitali tha se shpërthimi ka qenë shumë  i madh.

"Dëgjova një shpërthim të madh brenda reparteve COVID dhe zjarri shpërtheu shumë shpejt," tha një roje spitali.

Kryetari i parlamentit të Irakut, Mohamed al-Halbousi hodhi akuza duke thënë se flakët ishin "prova e qartë e dështimit për të mbrojtur jetën e Irakut dhe është koha t'i jepet fund këtij dështimi katastrofik".

Iraku ka regjistruar 1.4 milion infeksione dhe ka raportuar më shumë se 17,000 vdekje nga koronavirus. Më shumë se 1 milionë banorë, nga 40 mln që janë gjithsej kanë marrë vetëm një dozë të vaksinës.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ Iliba Bezati zgjidhet me 18 vota pro zëvendës kryetare e Gjykatës së Apelit të Përgjithshëm

Tiranë/ Iliba Bezati zgjidhet me 18 vota pro zëvendës kryetare e Gjykatës së Apelit të Përgjithshëm

10 Janar, 11:58