POP 5

Lajmet më të lexuara të 5 minutave të fundit

Kronikë

Dyshohet si kontrabandë, sekuestrohet 400 kg kafe! Pranga 39-vjeçarit që furnizonte dyqanet në Tiranë (EMRI)

Një 39-vjeçar është arrestuar nga policia e Tiranës, pasi dyshohet se furnizonte dyqane të ndryshme, me pako me kafe, të dyshuara të kontrabanduara dhe fshihte të ardhurat e përfituara nga ky aktivitet

Dyshohet si kontrabandë, sekuestrohet 400 kg kafe! Pranga 39-vjeçarit që furnizonte dyqanet në Tiranë (EMRI)

Kafja e sekuestruar

TIRANË- Një 39-vjeçar është arrestuar nga policia e Tiranës, pasi dyshohet se furnizonte dyqane të ndryshme, me pako me kafe, të dyshuara të kontrabanduara dhe fshihte të ardhurat e përfituara nga ky aktivitet. Në pranga ka rënë Abdi Maha të cilit në momentin e kontrollit nga policia i janë gjetur 400 kilogramë kafe e ndarë në disa pako. 

Policia ka sekuestruar 400 kg kafe e dyshuar e kontrabanduar dhe 7 pajisje për përpunimin e kafesë.  

‘Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e paligjshmërive në fushën e krimeve ekonomiko-financiare, bazuar dhe në informacionet e siguruara përmes inteligjencës informative, për një shtetas që furnizonte disa dyqane, me kafe të dyshuar të kontrabanduar, kanë organizuar dhe finalizuar operacionin policor të koduar "Espresso”. 

Gjatë operacionit, shërbimet e Policisë kanë ndaluar në Unazë të Madhe, automjetin me drejtues shtetasin A. M. Gjatë kontrollit të automjetit dhe kontrollit të banesës së këtij shtetasi, shërbimet e Policisë gjetën 400 kg kafe të dyshuar të kontrabanduar, të ndarë në pako, me të cilat ky shtetas furnizonte disa dyqane, në zona të ndryshme të Tiranës. Sasia e kafesë u sekuestrua në cilësinë e provës materiale, së bashku me 7 pajisje që shërbejnë për përpunimin e saj.    

Në vijim të veprimeve u arrestua në flagrancë shtetasi A. M., 39 vjeç, banues në Tiranë, për veprat penale "Kontrabanda me mallra që paguhet akcizë", "Tregtimi dhe transportimi i mallrave që janë kontrabandë", "Mospagimi i taksave dhe tatimeve" dhe "Fshehja e të ardhurave".

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.’- njofton policia.

M.Q./B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/02/2023 02:09

    Dhe ajo kafe e Shqiperise qe mban ere myk,ose dhe'! Ky dhe furnizues te tjere duhen prangosur vetem per cilesine e kafes qe sjellin,pa llogarritur te tjerat.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

11 Janar, 15:39