E ardhmja e energjisë elektrike, vendi në Amerikë ku përdoret vetëm energji nga panelet diellore

SHBA-Një lagje në Arvada të Kolorados prodhon vetëm energji të pastër nga panelet diellore. Kjo ka ardhur si një mënyrë e komunitetit për të ulur sadopak ndryshimet klimaterike që prekin zonën dhe shfrytëzimin e energjisë së pastër.

Ky projekt ka nisur 15 vite parë, ku inxhinieri Norbert Klebl nga Austria donte ta provonte se jetesa mund të ishte po aq e lumtur dhe e plotë vetëm me energjinë diellore, pa përdorur absolutisht energjinë hidrike.

Klebl dhe ekipi i tij i arkitektëve hartuan në mënyrë strategjike çdo centimetër të lagjes që përbëhet nga 28 shtëpi.

Për të përthithur sa më mirë rrezet e diellit, shtëpitë u vendosën në mënyrë që njëra të mos hidhte hije mbi tjetrën. Panelet diellore u vendosën në çdo çati, në kanatat e dritareve si dhe në garazhe u vendosën stacione karikimi për automjetet elektrike.

Ky projekt po ecën në mënyrë shumë të kënaqshme dhe pritet që të zgjerohet duke ndërtuar edhe 215 shtëpi të tjera përgjatë 2  viteve të ardhshme.

TAG:
• SHBA
• panele diellore
• Ndryshimet klimatike