Ish-futbollisti i akademisë së Club Atletic Aldosivi në Argjentinë, 20 vjeçari Samuel Robollo i ka dhënë fund jetës pasi klubi nuk i ofroi kontratë profesionale. Lajmi shokues është konfirmuar nga drejtuesit e klubit, që shprehin ngushëllimet për familjen e 20 vjeçarit.
Mediat në Argjentinë bëjnë me dije se 20 vjeçari sezonin e fundit ishte pjesë e Aldosivi në ligat e ulëta në Argjentinë, duke zhvilluar 14 paraqitje. Mbushja e moshës 20 vjeçare dhe ftesa e munguar nga klubi për të firmosur kontratën e re bënë që djaloshi të ndërmerte aktin ekstrem.
"Club Atlético Aldosivi shpreh keqardhje të thellë për vdekjen e lojtarit Samuel Rebollo, i cili ishte pjesë e institucionit gjatë vitit të kaluar. Drejtuesit, trajnerët, shokët e skuadrës dhe miqtë i dhanë lamtumirën duke kujtuar një person të shkëlqyer, i cili ishte gjithmonë i përkushtuar ndaj klubit dhe duke i dërguar gjithë ngushëllimet e tyre familjes dhe të dashurve të tij. Këtë të premte aktivitetet janë pezulluar në shenjë respekti dhe zie", thuhet në reagimin e klubit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)