Tre persona në bashkëpunim me njëri-tjetrin kanë dhunuar e më pas grabitur një pronar dyqani.

Ngjarja ka ndodhur disa ditë më parë, por policia e Fierit ka mundur që të zbardhë personat e përfshirë sot, kur ka bërë edhe arrestimin e tyre.

Sipas policisë, në pranga kanë rënë Erment Hasanaj 31 vjeç, Kelmend Skënderaj  22 vjeç dhe Ermal Aliaj 24 vjeç dhe u shpall në kërkim J.I 26-vjeç të cilët mesnatën e tre ditëve më parë në segmentin rrugor nacional Krahës –Memaliaj kanë keqrajtuar fizikisht dhe më pas  i kanë vjedhur me dhunë një shumë lekësh,  një telëfon celular dhe një sasi të konsiderueshme stekash me cigare M.L , banues në Fier.

Pas kontrollit të banesave të personave të përfshirë në këtë ngjarje u gjetën dhe u sekuestruan 151  steka me cigare të llojeve të ndryshme  dhe 180 qese me duhan të grirë.

Redaksia Online
(F.T/shqiptarja.com)