POP 5

Lajmet më të lexuara të 5 minutave të fundit

Politikë

Certifikata e sigurisë së Cakajt, LSI dhe PD mbështesin kërkesën e Metës për hetimin e DSIK-së

Komisioni Hetimor do të përbëhet nga 9 anëtar, ku kryetari dhe 2 anëtarë do të jenë përfaqësues të PD-së, 1 anëtar do të jetë përfaqësues i LSI-së dhe dhe 5 anëtarë do të jenë përfaqësues të Grupeve Parlamentare të partive të mazhorancës.

Certifikata e sigurisë së Cakajt, LSI dhe PD mbështesin kërkesën e Metës për hetimin e DSIK-së

Kryetarja e LSI-së, Monika Kryemadhi dhe kreu i PD-së, Lulzim Basha

TIRANË- LSI dhe PD mbështesin kërkesën e Metës për hetimin e DSIK-së. Me anë të një letre drejtuar kreut të Kuvendit, Gramoz Ruçit, dy partitë opozitare i kanë kërkuar Kuvendit për ngritjen e komisionit hetimor për certifikatën e sigurisë së Gent Cakajt.

Çështjet që do të hetohen nga Komisioni janë: verifikimi i ligjshmërisë në pajisjen e Cakajt me “certifikatë sigurie” nga DSIK; roli i Këshillit të Ministrave, Kryeministrit në shkeljen e procedurave ;  arsyet e moszbatimit të ligjit nga Gent Cakaj për mbi 7 muaj  dhe autoritetet përgjegjëse që kanë lejuar Cakajn të administrojë pa qenë më parë i pajisur me “certifikatë sigurie”.

Në përbërje të këtij Komisioni Hetimor do të jenë 9 anëtar, nga ku kryetari dhe 2 anëtarë do të jenë përfaqësues të Grupit Parlamentar të Partisë Demokratike, 1 anëtar do të jetë përfaqësues i Grupit Parlamentar të Lëvizjes Socialiste për Integrim, dhe 5 anëtarë do të jenë përfaqësues të Grupeve Parlamentare të partive të mazhorancës.

Sipas ligjit të Komisioneve Hetimore Parlamentare mjaftojnë 35 firma deputetësh për ngritjen e një Komisioni, firma që opozita i ka. Me rinisjen e sesionit parlamentar pritet ngritja e një Komisioni të drejtuar nga opozita çka paralajmëron pjesëmarrjen e saj në punimet parlamentare.

Opozita kërkon një afat kohor hetimor prej 3 muajsh. Ndërsa Konferenca e Kryetarëve duhet të mblidhet jo më vonë se 5 ditë nga dorëzimi i kërkesës për të diskutuar kërkesën, përbërjen e komisionit, si dhe caktimin e datës së miratimit në Kuvend në seancën plenare më të afërt.

(Kliko këtu për të lexuar dokumentin e plotë të kërkesës së PD-së dhe LSI-së, ndaj Kuvendit)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tata: 11/01/2019 17:42

    Ja na doli dhe KOMISARI I GRUPIMIT BASHKE ME SHEFEN E SHTABIT NE PERKRAHJE TE KOMANDANTIT TE OPOZITES ZOTIT PREDIDENT BAFTJARIT .

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Juventusi në garë, Cristian Shpendi në Torino për 4 milionë euro

Juventusi në garë, Cristian Shpendi në Torino për 4 milionë euro

26 Dhjetor, 14:41