POP 5

Lajmet më të lexuara të 5 minutave të fundit

Bota

‘E kapi thikën me duar për të shpëtuar’, detaje të reja nga vrasja e shqiptarit në itali, dyshohet krim pasioni! Përjashtohet pista e grabitjes

Mediat italiane kanë zbardhur detaje të reja nga vrasja e shqiptarit 39-vjeçar, Bledar Dedja, prind i dy fëmijëve, i cili jetonte prej vitesh përtej Adriatikut. 39-vjeçari që jetonte në Asolo (Treviso) u gjet i masakruar me thikë mëngjesin e së dielës në pyjet e Paderno del Grappa

‘E kapi thikën me duar për të shpëtuar’, detaje të reja nga vrasja e shqiptarit në itali, dyshohet krim pasioni! Përjashtohet pista e grabitjes

Bledar Dedja dhe pamje nga vendngjarja

Mediat italiane kanë zbardhur detaje të reja nga vrasja e shqiptarit 39-vjeçar, Bledar Dedja, prind i dy fëmijëve, i cili jetonte prej vitesh përtej Adriatikut. 39-vjeçari që jetonte në Asolo (Treviso) u gjet i masakruar me thikë mëngjesin e së dielës në pyjet e Paderno del Grappa.

Hetuesit dyshojnë se bëhet fjalë për një krim pasioni. Sipas mediave italiane, ai me gjasë tentoi t’i ikte vrasësit nga takimi që përfundoi keq, duke u larguar gati 100 metra nga makina, që u gjet në vendin ku ndodhi krimi.

Po sipas dyshimeve të para, pista e grabitjes është përjashtuar nga hetuesit. Mediat italiane thonë se portofoli dhe të gjitha sendet personale të shqiptarit nuk janë prekur dhe kjo ka bërë që hetuesit ta përjashtojnë grabitjen si pistë hetimi. 

Karabinierët kanë marrë po ashtu në pyetje familjarët dhe miqtë e 39-vjeçarit. Kryesore për ta është të zbulojnë se kë do të takonte pasditen e së shtunës, pasi kjo është ende mister. Goditja fatale ishte në mushkëri, ndërsa të shumta janë plagët që mori në duar në tentativë për t’u mbrojtur.

Zona ku ndodhi vrasja nuk është e pajisur me kamera sigurie. E vetmja shpresë është që makina Mercedes e viktimës të jetë kapur në një prej kamerave private të instaluara nga shtëpitë private në zonë.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16