POP 5

Lajmet më të lexuara të 5 minutave të fundit

Kronikë

E kishin mbjellë në serë, sekuestrohet 262 kg kanabis në Vlorë, shpallen në kërkim 3 kultivuesit! Arrestohet kryeplaku i fshatit Kaninë dhe punonjësi i OSHEE

262 kilogramë kanabis është sekuestruar në fshatin Kaninë në Vlorë. Policia ka shpallur në kërkim 3 autorët e dyshuar të kultivimit të bimëve narkotike shtetasit Fatbardh Kapllanaj, 45 vjeç, Engjëllush Kapllanaj, 22 vjeç dhe Klajdi Kapllanaj, 20 vjeç.

E kishin mbjellë në serë, sekuestrohet 262 kg kanabis në Vlorë, shpallen në kërkim 3 kultivuesit! Arrestohet kryeplaku i fshatit Kaninë dhe punonjësi i OSHEE

Foto ilustruese

262 kilogramë kanabis është sekuestruar në fshatin Kaninë nga policia e Vlorës, pas një operacioni të koduar 'Çairet'. Policia ka shpallur në kërkim 3 autorët e dyshuar të kultivimit të bimëve narkotike, shtetasit Fatbardh Kapllanaj, 45 vjeç, Engjëllush Kapllanaj, 22 vjeç dhe Klajdi Kapllanaj, 20 vjeç.

Shpallja në kërkim e këtyre shtetasve u bë pasi, në vendin e quajtur “Çairet”, në fshatin Kaninë, gjatë kontrollit të ushtruar nga shërbimet e policisë në banesën e shtetasit Fatbardh Kapllanaj, u gjet dhe u sekuestrua 210 kg lëndë e dyshuar narkotike kanabis.

Gjithashtu gjatë kontrollit të ushtruar në një ambient pranë banesës së këtij shtetasi, e përshtatur si serë, me lidhje të jashtëligjshme të energjisë elektrike, policia gjeti fidanë narkotikë të kultivuar në serë dhe në kubikë, si dhe një sasi prej 52 kg lëndë e dyshuar narkotike kanabis, në proçes tharje.

Ndërkohë policia ka arrestuar në flagrancë dy shtetas që nuk përmbushën detyrën, kyreplaku i fshatit Kaninë Andon Todi, për veprën penale “Moskallëzimi i krimit" dhe Gramos Islamaj, punonjës i OSHEE-së, për “Shpërdorim i detyrës”.

Materialet i kaluan Prokurorisë pranë Gjykatës së Shkallës së Parë Vlorë, për veprat penale “Prodhimi dhe shitja e lëndëve narkotike”, “Kultivim i bimëve narkotike”, “Vjedhje e energjisë elektrike”, "Shpërdorimi i detyrës" dhe "Moskallëzimi i krimit".

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43