E zhdukur prej 1 muaj, policia gjen të miturën në banesën e kushëririt në Durrës! 17-vjeçarja: Tani jam e rritur, dua të jetoj e qetë me të, ika me dëshirë

Foto nga Policia e Durrësit

Policia e Durrësit ka gjetur 17-vjeçaren e larguar nga banesa një muaj më parë, ndërsa ka arrestuar të riun që e strehonte, i cili ishte kushëriri i saj. Gjatë kontrollit të ushtruar në banesën e 24-vjeçarit Sh. F, policia gjeti 400 gramë kanabis, sasi të cilën ai e shiste me doza në zonën e plazhit të Durrësit.

Prej një muaji, policia dhe familjarët ishin në kërkim të 17-vjeçares, e cila u gjet duke jetuar me kushëririn e saj, me të cilin dyshohet se ka kryer edhe marrëdhënie seksuale. Vetë vajza ka deklaruar se ajo ka ikur me dëshirën e vetë dhe se bashku me 24-vjeçarin kishin marrë një banesë me qira në zonën e plazhit.

“Kam qëndruar vetë më dëshirën time në shtëpinë e kushëririt. Nuk kam dashur të lajmëroj prindërit. Doja të jetoja e qetë. Nuk kishin pse të bëheshin merak. Unë tani jam e rritur”, mësohet të ketë thënë 17-vjeçarja në prani të psikologes.

Në përfundim të veprimeve të para hetimore u bë arrestimi në flagrancë i 24-vjecarit Sh. F. dhe materialet i kaluan Prokurorisë, për veprime të mëtejshme.

J.GJ./I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni vizitën e presidentit turk Erdogan në Shqipëri?



×

Lajmi i fundit

John

U zhduk një javë më parë në Belgjikë, trupi i pajetë i 4-vjeçarit gjendet në Holandë! Arrestohet një 34-vjeçar, dyshimet e para