E mërkurë me bilanc tragjikë! 5 aksidente rrugore në Tiranë, Fier, Vlorë e Berat! 3 viktima e 2 të plagosur

 Një aksident rrugor është regjistruar mëngjesin e kësaj të mërkure, ku ka humbur jetën shoferi i një kamionçine.

Ngjarja ka ndodhur në Mjull Bathore, ku një makinë me të cilën transportoheshin viça, është përplasur me trafikndarësen dhe si pasojë drejtuesi i mjetit ka ndërruar jetë. Identiteti i viktimës nuk dihet ende.

“Më datë 31.08.2022, në Mjull Bathore, një mjet tip kamionçinë me të cilën transportoheshin viça, është përplasur me trafikndarësen dhe si pasojë drejtuesi i mjetit, ende i paidentifikuar, ka ndërruar jetë”, njofton Policia.

Një aksident është raportuar mëngjesin e kësaj të mërkure në Vlorë në lagjen ‘Partizani’, mjeti është përplasur motorin, drejtuesi i të cilit ka përfunduar në spital për ndihmë mjekësore përkatëse. Ende nuk dihen personat e përfshirë në aksident apo shkaqet.

Policia në vendngjarje për të zbuluar rrethanat dhe shkaqet e aksidentit.

FIER- Një aksident i rëndë me pasojë vdekje ka ndodhur orët e para të mëngjesit të sotëm, në aksin rrugor "Levan-Tepelenë", në vendin e quajtur "Kryqëzimi i Cakranit".

Rreth orës 4.30 të mëngjesit të sotëm shtetasi Flamur Maloku, 49 vjeç, banues në Kosovë, duke drejtuar automjetin tip "Jeep", ka aksidentuar me pasojë vdekjen, shtetasin Hysen Ruçaj, 75 vjeç, banues në Cakran, Fier.

75 vjeçari kishte dalë herët në mëngjes, tek rrethrrotullimi i Cakranit, për të gjetur një makinë të rastit dhe përcjellë ushqime tek të afërmit në Tiranë. Por ka qenë në vendin dhe orën e gabuar, pasi ai është goditur për vdekje me automjet nga autori Flamur Maliku.

Autori i këtij aksidenti është shoqëruar në Komisariatin e policisë Fier per veprime procedurale të mëtejshme. Grupi hetimor po punon për zbardhjen e plotë të rrethanave të aksidentit.